ഗ്രീക്ക് സാഹിത്യത്തെ പ്രണയിക്കുന്ന മലയാളി

മണ്ണഞ്ചേരി: ഗ്രീക്ക് സാഹിത്യത്തെ മലയാളികൾക്ക് പരിചയപ്പെടുത്തി റിട്ട. സബ് ട്രഷറി ഓഫിസർ. മണ്ണഞ്ചേരി കാവുങ്കൽ ചെറുകണ്ണാട്ടുവെളി വീട്ടിൽ വി.പി. പുരുഷോത്തമനാണ് ഗ്രീക്ക് സാഹിത്യ പ്രണയി. 2015 ഡിസംബറിൽ വിശ്വസാഹിത്യത്തിലെ ക്ലാസിക്കുകളിൽ ഒന്നായ പ്ലേറ്റോയുടെ 'ദ റിപ്പബ്ലിക്' എന്ന വിഖ്യാത പുസ്തകത്തി​െൻറ മലയാള പരിഭാഷ പ്രസിദ്ധീകരിച്ചാണ് ഈ മേഖലയിലേക്ക് കടന്നത്. കേരള ഭാഷാ ഇൻസ്റ്റിറ്റ്യൂട്ട് പ്രസിദ്ധീകരിച്ച ഈ പുസ്തകത്തിന് അവതാരിക എഴുതിയത് പ്രഫ. എം.കെ. സാനുവാണ്‌. ജസ്റ്റിസ് വി.ആർ. കൃഷ്ണയ്യരുടെ സന്ദേശംകൂടി 'റിപ്പബ്ലിക്' എന്ന ഈ പുസ്തകത്തിൽ ഉണ്ട്. ഗ്രീക്ക് ഇതിഹാസ കർത്താവായ റോമറെ പ്രകീർത്തിച്ച് പ്രഭാഷണം നടത്തുന്ന ഇയോണുമായുള്ള സോക്രട്ടീസി​െൻറ സംവാദമായ 'ഇയോൺ', വിദ്യാഭ്യാസ സമ്പ്രദായം പഠിതാവിന് എങ്ങനെ ഉപകരിക്കുന്നതാകണം എന്ന് സോക്രട്ടീസ് വിശദീകരിക്കുന്ന 'മെനോ', വിരുന്നുസൽക്കാര വേളയിൽ വിവിധ പണ്ഡിതരുമായി വിവിധ വിഷയങ്ങളെക്കുറിച്ചുള്ള സംവാദമായ 'സിംപോസിയം', സോക്രട്ടീസി​െൻറ ജയിലിലെ അന്ത്യനാളുകളിലെ പ്രസംഗങ്ങൾ ഉൾക്കൊള്ളിച്ചുള്ള 'അപ്പോളജി', സോക്രട്ടീസി​െൻറ അവസാനദിവസം വിശദീകരിക്കുന്ന 'ഫിദോ' തുടങ്ങിയവ ഉൾെപ്പടെയുള്ള 23 ഗ്രീക്ക് സംവാദങ്ങളുടെ സമാഹാരം മലയാളഭാഷയിൽ പ്രസിദ്ധീകരണത്തിന് തയാറാക്കിക്കഴിഞ്ഞു. പ്ലേറ്റോയുടെ 'ദി ലോസ്' ഈ മാസം പ്രസിദ്ധീകരിക്കും. ചെറുപ്പം മുതലുള്ള പരന്ന വായനയും പുസ്തകങ്ങളോടും ഗ്രീക്ക് സാഹിത്യത്തോടുമുള്ള പ്രണയവുമാണ് പരിഭാഷകൾക്ക് പിന്നിെല ചാലക ശക്തിയെന്ന് പുരുഷോത്തമൻ പറയുന്നു. കലവൂർ സ്കൂളിൽനിന്ന് പ്രഥമ അധ്യാപികയായി വിരമിച്ച ഷീലയാണ് ഭാര്യ. ഫാഷൻ ഡിസൈനറായ ജിഷ ഏക മകൾ. ടി.എ.കെ. ആശാൻ