വീയപുരം വഴിയുള്ള ബസ്​ സർവിസ്​ നിർത്തി​

ഹരിപ്പാട്: അപ്പർകുട്ടനാട്ടിലെ വെള്ളപ്പൊക്കം രൂക്ഷമായതിനെ തുടർന്ന് വീയപുരം വഴിയുള്ള കെ.എസ്.ആർ.ടി.സി ബസ് സർവിസുകൾ റദ്ദാക്കി. ഹരിപ്പാട് ഡിപ്പോയിൽനിന്ന് വീയപുരം വഴി എടത്വ, തിരുവല്ല, ചങ്ങനാശ്ശേരി, ചക്കുളത്തുകാവ് തുടങ്ങിയ സ്ഥലത്തേക്കുള്ള സർവിസുകളാണ് താൽക്കാലികമായി നിർത്തിയതെന്ന് അധികൃതർ പറഞ്ഞു. ഹർത്താൽ നടത്തുമെന്ന് ഹരിപ്പാട്: ക്ഷേത്രക്കുളങ്ങളിൽ കക്കൂസ് മാലിന്യം തള്ളുന്നതിൽ പ്രതിഷേധിച്ച് ഹിന്ദു ഐക്യവേദി താലൂക്ക് സമിതിയുടെ ആഭിമുഖ്യത്തിൽ വ്യാഴാഴ്ച രാവിലെ ആറ് മുതൽ വൈകുന്നേരം ആറുവരെ നഗരസഭ അതിർത്തി പ്രദേശങ്ങളിൽ ഹർത്താൽ നടത്തുമെന്ന് ഭാരവാഹികൾ അറിയിച്ചു. കഴിഞ്ഞ ദിവസം മാങ്കാംകുളങ്ങര ക്ഷേത്രക്കുളത്തിൽ കക്കൂസ് മാലിന്യം തള്ളിയതാണ് ഒടുവിലത്തെ സംഭവം. വൈകുന്നേരം പൊലീസ് സ്റ്റേഷനിലേക്ക് മാർച്ചും നടത്തും.