ഏറാൻമൂളികളായി പാർട്ടി നേതൃത്വം മാറുന്ന നിലപാട് തിരുത്തണം ^കെ.എസ്.യു

ഏറാൻമൂളികളായി പാർട്ടി നേതൃത്വം മാറുന്ന നിലപാട് തിരുത്തണം -കെ.എസ്.യു കൊച്ചി: ഘടകകക്ഷികളുടെ ഏറാൻമൂളികളായി മാറുന്ന നിലപാട് പാർട്ടി നേതൃത്വം തിരുത്തണമെന്ന് കെ.എസ്.യു ജില്ല പ്രസിഡൻറ് അലോഷ്യസ് സേവ്യർ. മുന്നണി ശക്തിപ്പെടുത്താൻ നേതൃത്വം തിരക്കുകൂട്ടുമ്പോൾ പാർട്ടി ക്ഷയിക്കുകയാണെന്ന് മനസ്സിലാക്കണം. രാജ്യസഭയിലേക്ക് മത്സരിക്കാൻ കോൺഗ്രസിൽ ഊർജസ്വലമായ യുവതലമുറ ഉണ്ടെന്ന വസ്തുതപോലും നേതൃത്വം പരിഗണിച്ചില്ല. പാർട്ടിയെ വ​െൻറിലേറ്ററിൽ ആക്കാനുള്ള മത്സരത്തിലാണ് നേതൃത്വം. പാർട്ടിപ്രവർത്തകരെ വെറും കാലാൾപ്പടകളായി മാത്രം നോക്കിക്കണ്ടാൽ അതി​െൻറ പ്രത്യാഘാതം വലുതായിരിക്കും. എന്തി​െൻറ പേരിലാെണങ്കിലും പ്രവർത്തകരുടെ വികാരം മനസ്സിലാക്കാതെയുള്ള ശൈലി തിരുത്തപ്പെടേണ്ടതാണ്. കെ.എസ്.യു ആരംഭകാലം തൊട്ട് സ്വതന്ത്ര നിലപാടുകൾ എടുത്ത പ്രസ്ഥാനമാണ്. ആ ശൈലിയിൽതന്നെ ഇന്നും ക്ഷുഭിത നിലപാട് എടുക്കാൻ കെ.എസ്.യു മറന്നിട്ടില്ലെന്ന് നേതൃത്വം തിരിച്ചറിയണമെന്നും സംയുക്ത പത്രപ്രസ്താവനയിൽ നേതാക്കന്മാരായ എസ്. ഭാഗ്യനാഥ്, പി.എച്ച്. അസ്‌ലം, ഷാരോൺ പനക്കൽ, എസ്. സുചിത്ര, സഫൽ വലിയവീടൻ, ബ്രൈറ്റ് കുര്യൻ, ബിലാൽ കടവിൽ എന്നിവർ പറഞ്ഞു. കുസാറ്റിൽ വാക്-ഇൻ ഇൻറർവ്യൂ കൊച്ചി: കൊച്ചി ശാസ്ത്ര സാങ്കേതിക സർവകലാശാല അഡ്വാൻസ്ഡ് മെറ്റീരിയൽസ് കേന്ദ്രത്തിൽ കേന്ദ്ര ശാസ്ത്ര സാങ്കേതിക വകുപ്പ്് സ്പോൺസർ ചെയ്യുന്ന തിൻ ഫിലിം സൗരോർജ ബാറ്ററിയുമായി ബന്ധപ്പെട്ട േപ്രാജക്ടിൽ ജൂനിയർ റിസർച് ഫെല്ലോയുടെ ഒഴിവിലേക്ക് വാക്-ഇൻ ഇൻറർവ്യൂ 25ന് രാവിലെ 11ന് നടത്തുന്നു. ഫെല്ലോഷിപ് തുക 25,000 രൂപ + (16 എച്ച്.ആർ.എ). ഫിസിക്സിലോ മെറ്റീരിയൽ സയൻസിലോ ഉള്ള ബിരുദാനന്തര ബിരുദവും നെറ്റ്, ഗേറ്റ്, ജെസ്ട് തുടങ്ങിയ യോഗ്യതയും ഉള്ളവർക്ക് പങ്കെടുക്കാം. ഫോൺ: 2577404, 9447972704. ഇ-മെയിൽ: mkj@cusat.ac.in.