കൈത്താങ്ങ്​ പദ്ധതിയുമായി കെ.എസ്.യു

കൊച്ചി: നിർധന വിദ്യാർഥികൾക്ക് ജില്ലയിലെ മുഴുവൻ കാമ്പസുകളിലെയും വിദ്യാർഥികളെ പങ്കെടുപ്പിച്ച് കെ.എസ്.യു ജില്ല കമ്മിറ്റിയുടെ നേതൃത്വത്തിൽ പഠനോപകരണം ശേഖരിക്കുന്ന കൈത്താങ്ങ് പദ്ധതിക്ക് തുടക്കമായി. വിദ്യാർഥി രാഷ്ട്രീയം അക്രമത്തി​െൻറ മാർഗത്തിൽ ചലിക്കുമ്പോൾ നന്മയുടെ മുന്നേറ്റം എന്ന ആശയം മുന്നോട്ടുെവച്ചാണ് ഇത്തരത്തിൽ പദ്ധതിക്ക്‌ ജില്ല കമ്മിറ്റി തുടക്കംകുറിച്ചെതന്ന് പരിപാടി ഉദ്ഘാടനം ചെയ്ത കെ.എസ്.യു എറണാകുളം ജില്ല പ്രസിഡൻറ് അലോഷ്യസ് സേവ്യർ പറഞ്ഞു. കെ.എസ്.യു ജില്ല ഉപാധ്യക്ഷൻ ഷാരോൺ പനക്കൽ അധ്യക്ഷത വഹിച്ചു. വി.ആർ. രാംലാൽ, ബ്രൈറ്റ് കുര്യൻ, സഫൽ വലിയവീടൻ, ടി.വൈ. ഫസ്‌ന, എസ്. സുചിത്ര, വിവേക് ഹരിദാസ്‌, ഹസീബ് എന്നിവർ സംസാരിച്ചു.