വിത്തുൽപാദന പ്രദര്‍ശനതോട്ടം ഏറ്റെടുക്കുന്ന നീക്കത്തിൽനിന്ന്​ പിന്മാറണമെന്ന്​

കൊച്ചി: നാളികേര വികസന ബോര്‍ഡി​െൻറ നേര്യമംഗലത്ത് പ്രവര്‍ത്തിക്കുന്ന വിത്തുൽപാദന പ്രദര്‍ശനതോട്ടം ഏറ്റെടുക്കാനുള്ള നീക്കത്തിൽനിന്ന് സംസ്ഥാന കൃഷി വകുപ്പ് പിന്മാറണമെന്ന് അഖിലേന്ത്യ നാളികേര വികസന ബോര്‍ഡ് സ്റ്റാഫ് അസോസിയേഷന്‍ പ്രസിഡൻറ് ബിനു ഫിലിപ് ചെറിയാനും ജനറൽ സെക്രട്ടറി കെ. കണ്ണദാസും ആവശ്യപ്പെട്ടു. നാളികേര വികസന ബോര്‍ഡി​െൻറ കേരളത്തിലെ ഏക വിത്തുൽപാദന കേന്ദ്രമാണ് നേര്യമംഗലം ഫാം. വംശശുദ്ധിയുള്ള നടീൽ വസ്തുക്കള്‍ ഉൽപാദിപ്പിക്കുന്നതിന് ടിഷ്യുകള്‍ചര്‍, ഹൈബ്രഡൈസേഷന്‍ ഉള്‍പ്പെടെ ആധുനിക സാങ്കേതികവിദ്യകളും ഗവേഷണഫലങ്ങളും ബോര്‍ഡ് നേര്യമംഗലം ഫാമിൽ പരീക്ഷിച്ചുവരുന്ന നിര്‍ണായകഘട്ടത്തിൽ ഫാം ഏറ്റെടുക്കാനുള്ള നീക്കം രാജ്യത്തെ നാളികേര വികസനത്തി​െൻറ കടയ്ക്കൽ കോടാലി െവക്കുന്നതിന് തുല്യമാണ്. പ്രവര്‍ത്തിക്കുന്ന ഒരുഫാമി​െൻറ പ്രവര്‍ത്തനങ്ങള്‍ അവസാനിപ്പിച്ച് സ്ഥലം കൈമാറാന്‍ കേരളത്തി​െൻറ കൃഷിവകുപ്പ് ആവശ്യപ്പെടുന്നത് തികച്ചും കര്‍ഷകദ്രോഹപരമായ നടപടിയാണെന്നും ബിനു ഫിലിപ് ചെറിയാനും, കെ. കണ്ണദാസും ആവശ്യപ്പെട്ടു.