യുവാവിനെ വീട്ടിൽ കയറി വെട്ടിപ്പരിക്കേൽപിച്ചു; അയൽവാസിക്കെതിരെ കേസ്​

അങ്കമാലി: മദ്യപാനം ഉൾപ്പെടെ സാമൂഹികവിരുദ്ധ പ്രവർത്തനങ്ങൾ ചോദ്യം ചെയ്ത യുവാവിനെ അയൽവാസി വീട്ടിൽ കയറി വെട്ടിപ്പരിക്കേൽപിച്ചതായി പരാതി. തവളപ്പാറ ആഞ്ഞിലിവീട്ടിൽ ഉദയ​െൻറ മകൻ സിജുമോനാണ് (39) വെട്ടേറ്റത്. കൈക്ക് ഗുരുതര മുറിവേറ്റ സിജുവിനെ അങ്കമാലി ലിറ്റിൽ ഫ്ലവർ ആശുപത്രിയിൽ പ്രവേശിപ്പിച്ചു. സിജുവി​െൻറ പരാതിയെത്തുടർന്ന് തവളപ്പാറ ലാത്തുകൂട്ടം വീട്ടിൽ അരുൺകുമാറിന് (28) എതിരെ കാലടി പൊലീസ് കേസെടുത്ത് അന്വേഷണം തുടങ്ങി. തവളപ്പാറയിൽ കപ്പേള ആക്രമിച്ചതുൾെപ്പടെ നിരവധി കേസിലെ പ്രതിയാണ് അരുൺകുമാർ. അയൽവാസികളായ ഇരുവരുടെയും വീടി​െൻറ പരിസരത്ത് മദ്യപിച്ച് അരുൺകുമാറും സംഘവും നിരന്തരം പ്രശ്നങ്ങൾ ഉണ്ടാക്കുമായിരുന്നു. ഇരുവരുടെയും ബന്ധുവായ പ്ലസ് വണിന് പഠിക്കുന്ന പെൺകുട്ടിയെ ശല്യം ചെയ്യാനും തുടങ്ങി. നിരവധി തവണ സിജുമോനും സംഘവും താക്കീത് നൽകിയിരുന്നു. ശല്യം തുടർന്നതിനാൽ സിജുമോ​െൻറ നേതൃത്വത്തിൽ ആറുമാസം മുമ്പ് കാലടി പൊലീസ് സ്റ്റേഷനിൽ പരാതി നൽകിയിരുന്നു. സിജുവിനെ ആക്രമിച്ചതിനുപുറമെ വീടും തകർത്തു. ആക്രമണ സമയത്ത് സിജുവി​െൻറ ചെറിയ മകളും വീട്ടിലുണ്ടായിരുന്നു. പരിക്കേറ്റ കൈയുമായി കുഞ്ഞിനെയുമെടുത്ത് പുറത്തേക്ക് ഒാടുകയായിരുന്നു. കുഞ്ഞിന് പരിക്കൊന്നുമില്ല. പടം: ep anka siju mon