കെ.എസ്.ഇ.ബി ഓഫിസിന് മുന്നിൽ ചൂട്ട് കത്തിച്ച് പ്രതിഷേധം

പറവൂർ: വടക്കേക്കര- മൂത്തകുന്നം പ്രദേശങ്ങളിൽ നിരന്തരം വൈദ്യുതി തടസ്സപ്പെടുന്നതിൽ പ്രതിഷേധിച്ച് യൂത്ത് കോൺഗ്രസ് ചിറ്റാറ്റുകര മണ്ഡലം കമ്മിറ്റിയുടെ നേതൃത്വത്തിൽ വടക്കേക്കര കെ.എസ്.ഇ.ബി സെക്ഷൻ ഓഫിസിന് മുന്നിൽ ചൂട്ട് കത്തിച്ച് പ്രതിഷേധ ധർണ നടത്തി. യൂത്ത് കോൺഗ്രസ് എറണാകുളം പാർലമ​െൻറ് മണ്ഡലം സെക്രട്ടറി വിനിൽ ആൻറണി ഉദ്ഘാടനം ചെയ്തു. മണ്ഡലം പ്രസിഡൻറ് ജോജോ അധ്യക്ഷത വഹിച്ചു. പി.ആർ. സൈജൻ, ടി.കെ. ബിനോയ്, എ.ഐ. നിഷാദ്, ടി.യു. ചിന്നൻ കെ.കെ. ഗിരീഷ്, വിഷ്ണു പി. രഞ്ജിത്ത് എന്നിവർ സംസാരിച്ചു.