കരിയർ ഗൈഡൻസ്​ ക്ലാസും പുരസ്​കാര സമർപ്പണവും

ആലുവ: താലൂക്ക് പൗരാവകാശസംരക്ഷണസമിതി, ഫിസാറ്റ്, കേരള ആക്ഷൻ ഫോഴ്സ് എന്നിവർ സംയുക്തമായി സൗജന്യ കരിയർ ഗൈഡൻസ് ക്ലാസ് നടത്തി. ഫിസാറ്റ് ചെയർമാൻ പോൾ മുണ്ടാടൻ ഉദ്ഘാടനം ചെയ്തു. കരിയർ കൺസൾട്ടൻറും െട്രയിനറുമായ സുനീർ പൊറ്റക്കാട്ട് ക്ലാസിന് നേതൃത്വം നൽകി. ഉപരിപഠനം ആഗ്രഹിക്കുന്ന കുട്ടികളുടെ മുന്നോട്ടുള്ള ഭാവിക്ക് ഉതകുന്ന അനന്തസാധ്യതകളെക്കുറിച്ചും അവർക്കുള്ള സംശയങ്ങളും വിവിധ കോഴ്സുകളെപ്പറ്റിയും വിശദമായി വിവരിച്ച് നൽകി. ഇതോടനുബന്ധിച്ച് പൗരാവകാശ സംരക്ഷണ സമിതിയുടെ പഠനോപകരണവിതരണവും എ പ്ലസ് നേടിയ വിദ്യാർഥികളെ ആദരിക്കലും നടന്നു. പ്രിൻസിപ്പൽ എസ്.ഐ.എം.എസ്. ഫൈസൽ പുരസ്കാരങ്ങൾ വിതരണം ചെയ്തു. പി.കെ. മുകുന്ദൻ അധ്യക്ഷത വഹിച്ചു. സാബു പരിയാരത്ത് സ്വാഗതം പറഞ്ഞു എ.വി. റോയ്, ദാവൂദ് ഖാദർ, ജയാസ് മാനാടത്ത്, ജോൺസൺ മുളവരിക്കൽ, എം.എം. ഹൈേദ്രാസ്കുട്ടി, എം.ഷാജഹാൻ, ഷമീർ കല്ലുങ്കൽ, വി.എക്സ് ഫ്രാൻസിസ്, വി.ടി. ചാർളി, മുസ്തഫ എന്നിവർ പങ്കെടുത്തു.