പള്ളിപ്പുറം സഹകരണ ബാങ്ക് തെരഞ്ഞെടുപ്പ്: ഇടതു പാനലിന് വിജയം

വൈപ്പിന്‍: പള്ളിപ്പുറം സഹകരണ ബാങ്ക് ഭരണ സമിതി തെരഞ്ഞെടുപ്പില്‍ ഇടത്പക്ഷ പാനലായ സഹകരണ സംരക്ഷണ മുന്നണി വിജയം ആവര്‍ത്തിച്ചു. ചെറായി സഹോദരന്‍ സ്മാരക ഹൈസ്‌കൂളിലായിരുന്നു തെരഞ്ഞെടുപ്പ്. 43,000 ത്തോളം അംഗസംഖ്യയില്‍ 13,053 പേര്‍ പോള്‍ ചെയ്തു. എണ്ണായിരത്തില്‍ പരം വോട്ടുകളുടെ ഭൂരിപക്ഷമാണ് നേടിയത്. ഭരണസമിതി അംഗങ്ങളായി കെ.എസ്. ജീവന്‍, കെ.എസ്. ശ്രീജിത്ത്, പി.എ. ആൻറണി, പി.ബി. സജീവന്‍, കെ.വി. എബ്രാഹം, കെ.എസ്. പോളി, ഇ.ആര്‍. ബാബു, ജി.എ. മോഹനന്‍, റെജി ഗോപാലകൃഷ്ണന്‍, ഗംഗ സുനില്‍കുമാര്‍, മുംതാസ് നസീര്‍, ഷീല അപ്പുക്കുട്ടന്‍ എന്നിവരെ തെരഞ്ഞെടുത്തു. മയ്യാറ്റില്‍ സത്യനാണ് നിലവിലെ പ്രസിഡൻറ്. വിജയത്തെ തുടര്‍ന്ന് ഇടതുമുന്നണി പ്രവര്‍ത്തകര്‍ പ്രകടനം നടത്തി.