കൊച്ചി നിയോജക മണ്ഡലം പ്ലാസ്​റ്റിക്​ രഹിതമാക്കും -കെ.ജെ. മാക്സി എം.എൽ.എ

മട്ടാഞ്ചേരി: കൊച്ചി നിയോജക മണ്ഡലത്തെ പ്ലാസ്റ്റിക് രഹിത മേഖലയാക്കുമെന്ന് കെ.ജെ. മാക്സി എം.എൽ.എ പറഞ്ഞു. മണ്ഡലംതല പരിസ്ഥിതി ദിനാചരണ ചടങ്ങിൽ അധ്യക്ഷതവഹിക്കുകയായിരുന്നു അദ്ദേഹം. രാജ്യത്തെ ആദ്യ മാതൃക ടൂറിസം ഗ്രാമമായ കുമ്പളങ്ങി പ്ലാസ്റ്റിക്രഹിത മേഖലയാക്കി പ്രഖ്യാപിച്ച് പ്രവർത്തനം ഊർജിതമാക്കി. സംസ്ഥാനത്ത് ഏറ്റവും കൂടുതൽ ടൂറിസ്റ്റുകൾ എത്തുന്ന മേഖല എന്നത് കണക്കിലെടുത്ത് ശുചിത്വത്തിന് മുൻതൂക്കം നൽകിയ പ്രവർത്തനങ്ങളാണ് നടത്തുന്നത്. കേരള ഫോറസ്റ്റ് റിസർച് ഇൻസ്റ്റിറ്റ്യൂട്ടി​െൻറ മുൻ ഡയറക്ടർ ഡോ. ബ്രാൻസ്ഡൺ കോറി ദിനാചരണം ഉദ്ഘാടനം ചെയ്തു. നഗരസഭ പ്രതിപക്ഷ നേതാവ് കെ.ജെ. ആൻറണി, കൗൺസിലർമാരായ കെ.കെ. കുഞ്ഞച്ചൻ, വത്സല ഗിരീഷ്, കുമ്പളങ്ങി ഗ്രാമ പഞ്ചായത്ത് പ്രസിഡൻറ് മാർട്ടിൻ ആൻറണി, സി.പി.എം ഏരിയ സെക്രട്ടറി കെ.എം. റിയാദ്, എഡ്രാക് മേഖല സെക്രട്ടറി കെ.പി. മെട്രോക്സ്, ശ്രീദേവി, സി.എസ്. ഗിരീഷ്, കെ.പി. പ്രതാപൻ എന്നിവർ സംസാരിച്ചു.