ആദരിച്ചു

ആലുവ: കഴിഞ്ഞ ദിവസം ട്രെയിനിൽനിന്നും പെരിയാറിലേക്ക് തെറിച്ചുവീണ സംഗീത എന്ന പെണ്‍കുട്ടിയെ രക്ഷപ്പെടുത്തിയവരെ . പി.ഇ. അലി, പി.പി. പ്രതാപന്‍, ശിവന്‍ ഒലങ്ങില്‍ എന്നിവരെ വെല്‍ഫെയര്‍ പാര്‍ട്ടി ചെങ്ങമനാട് പഞ്ചായത്ത് കമ്മിറ്റിയാണ് ആദരിച്ചത്. വെല്‍ഫെയര്‍പാര്‍ട്ടി ജില്ല കമ്മിറ്റി അംഗം നൗഷാദ് ശ്രീമൂലനഗരം പൊന്നാട അണിയിച്ചു. പാർട്ടി ചെങ്ങമനാട് പഞ്ചായത്ത് കമ്മിറ്റി പ്രസിഡൻറ് ഖാദര്‍ എളമന അധ്യക്ഷത വഹിച്ചു. സെക്രട്ടറി അന്‍വര്‍ സ്വാഗതവും റഷീദ് പുറയാർ നന്ദിയും പറഞ്ഞു. ആലുവ മണ്ഡലം കമ്മിറ്റി ട്രഷറര്‍ സലാം തുരുത്ത് അനുമോദന പ്രസംഗം നടത്തി.