സി.വി അനുസ്മരണം

മൂവാറ്റുപുഴ: കമ്മ്യൂണിസ്റ്റ് പ്രസ്ഥാനത്തി​െൻറ ആദ്യകാല പ്രവര്‍ത്തകരില്‍ ഒരാളായിരുന്നു സി.വി. യോഹന്നാ​െൻറ അഞ്ചാം ചരമവാർഷിക ദിനാചരണം സി.പി.ഐ വാളകം ലോക്കല്‍ കമ്മിറ്റിയുടെ ആഭിമുഖ്യത്തില്‍ നടന്നു. സി.വിയുടെ വസതിയില്‍ നടന്ന അനുസ്മരണ യോഗം സി.പി.ഐ ജില്ല എക്സിക്യുട്ടിവ് അംഗം എൻ. അരുൺ ഉദ്ഘാടനം ചെയ്തു. വാളകം ഗ്രാമപഞ്ചായത്ത് വൈസ് പ്രസിഡൻറ് ബാബു വെളിയത്ത് അധ്യക്ഷത വഹിച്ചു. എല്‍ദോ എബ്രഹാം എം.എല്‍.എ, മണ്ഡലം സെക്രട്ടറി പി.കെ. ബാബുരാജ്, അസിസ്റ്റൻറ് സെക്രട്ടറി ടി.എം. ഹാരിസ്, മണ്ഡലം കമ്മിറ്റി അംഗം വിൽസൺ ഇല്ലിക്കൽ, ലോക്കല്‍ സെക്രട്ടറി പി.എന്‍. മനോജ്, വാർഡ് മെംബര്‍ ദീപ്തി മനോജ്, വി.കെ. മണി, ജോണി ജോസഫ്, കരീം ചാക്കാപ്പിള്ളി, എം.കെ. അജയൻ, സി.വിയുടെ കുടുംബാംഗങ്ങള്‍ എന്നിവർ സംബന്ധിച്ചു.