വഴിവിളക്കുകൾ സാമൂഹികവിരുദ്ധർ തകർത്തു

മൂവാറ്റുപുഴ: കോടികൾ മുടക്കി നിർമിച്ച പുഴയോര നടപ്പാതയിലെ . മൂവാറ്റുപുഴ നഗരത്തെ ടൂറിസം ഭൂപടത്തിലുൾപെടുത്തുക എന്ന ലക്ഷ്യത്തോടെ കൊണ്ടുവന്ന പുഴയോര നടപ്പാതയിലെ ലൈറ്റുകളാണ് തകർത്തിട്ടിരിക്കുന്നത്. മൂവാറ്റുപുഴയാറ്റിലെ ത്രിവേണി സംഗമത്തിലെ കാവുംപടിയിൽനിന്ന് ആരംഭിച്ച് ലത പാലത്തിന് സമീപം അവസാനിക്കുന്ന പുഴയോര നടപ്പാതയിലൂടെ സഞ്ചരിക്കാൻ നിരവധി പേരാണ് എത്തുന്നത്. മൂവാറ്റുപുഴയാറി​െൻറ സൗന്ദര്യം ആസ്വദിച്ച് രണ്ടര കി.മീറ്റർ ദൂരമുള്ള പാതയിലൂടെ നടക്കാനെത്തുന്നവർ ഇപ്പോൾ സന്ധ്യയാകുന്നതോടെ സ്ഥലംവിടുകയാണ്. ലൈറ്റുകൾ നശിപ്പിച്ചതുമൂലമുള്ള വെളിച്ചക്കുറവും സാമൂഹികവിരുദ്ധശല്യവുമാണ് കാരണം. കഴിഞ്ഞദിവസങ്ങളിൽ സാമൂഹികവിരുദ്ധ സംഘത്തി​െൻറ ശല്യം രൂക്ഷമായതായി പരാതിയുയർന്നിട്ടുണ്ട്. പൊലീസ് സ്റ്റേഷന് വിളിപ്പാടകലെ സ്ഥിതി ചെയ്യുന്ന നടപ്പാതയിൽ എത്തുന്നവരെ ശല്യം ചെയ്യുന്ന ഇത്തരം സംഘങ്ങൾക്കെതിരെ നേരേത്ത പരാതിയുയർന്നിട്ടും നടപടി ഉണ്ടായിട്ടില്ല. ലൈറ്റുകൾ പുനഃസ്ഥാപിക്കുന്നതിനൊപ്പം സാമൂഹികവിരുദ്ധ സംഘങ്ങളുടെ ശല്യം ഒഴിവാക്കാൻകൂടി നടപടി സ്വീകരിക്കണമെന്ന ആവശ്യം ശക്തമായി.