എം.ഒ. റെജിയും എല്‍സി ഐപ്പും മികച്ച അംഗൻവാടി വര്‍ക്കര്‍മാര്‍

അങ്കമാലി: അങ്കമാലി ബ്ലോക്കിലെ മികച്ച അംഗൻവാടി വര്‍ക്കര്‍മാരായി മൂക്കന്നൂര്‍ പഞ്ചായത്ത് കോക്കുന്ന് അംഗന്‍വാടിയിലെ എം.ഒ. റെജിയും തുറവൂര്‍ പഞ്ചായത്തിലെ തലക്കോട്ട്പറമ്പ് അംഗൻവാടിയിലെ എല്‍സി ഐപ്പും തെരഞ്ഞെടുക്കപ്പെട്ടു. മൂക്കന്നൂര്‍ കോക്കുന്ന് അംഗൻവാടിയിലെ കെ.കെ. ബിന്ദുവും കാഞ്ഞൂര്‍ പാറപ്പുറം അംഗൻവാടിയിലെ ഒ.ജി. ബേബിയുമാണ് മികച്ച ഹെല്‍പര്‍മാര്‍. അങ്കമാലി ബ്ലോക്കിലെ കറുകുറ്റി, മൂക്കന്നൂര്‍, തുറവൂര്‍, മഞ്ഞപ്ര, കാലടി, കാഞ്ഞൂര്‍, അയ്യമ്പുഴ, മലയാറ്റൂര്‍ പഞ്ചായത്തുകളിലെയും അങ്കമാലി നഗരസഭയിലെയും 202 അംഗൻവാടികളിലെ വര്‍ക്കര്‍മാരില്‍നിന്ന് ഹെല്‍പര്‍മാരില്‍നിന്ന് 2017ലെ പ്രവര്‍ത്തനമികവി​െൻറ അടിസ്ഥാനത്തിലാണ് തെരഞ്ഞെടുപ്പ് നടന്നത്. തിങ്കളാഴ്ച വൈകീട്ട് മൂന്നിന് സി.എസ്.എ ഓഡിറ്റോറിയത്തില്‍ നടക്കുന്ന സമ്മേളനത്തില്‍ ഇവര്‍ക്ക് പുരസ്‌കാരങ്ങള്‍ നല്‍കും.