സൈബര്‍ കുറ്റകൃത്യങ്ങള്‍ തടയാൻ ബോധവത്കരണം ആവശ്യം ^ഡി.ജി.പി

സൈബര്‍ കുറ്റകൃത്യങ്ങള്‍ തടയാൻ ബോധവത്കരണം ആവശ്യം -ഡി.ജി.പി കൊച്ചി: സൈബര്‍ കുറ്റകൃത്യങ്ങള്‍ തടയാന്‍ ഇ-ജാഗ്രതപോലുള്ള ബോധവത്കരണ പരിപാടികള്‍ ആവശ്യമാണെന്ന് ഡി.ജി.പി ലോക്‌നാഥ് ബെഹ്‌റ. സ്‌കൂളുകളില്‍ സുരക്ഷിതവും ഫലപ്രദവുമായ ഇൻറര്‍നെറ്റ് പരിശീലനം നടപ്പാക്കാനുള്ള ജില്ല ഭരണകൂടത്തി​െൻറ ഇ-ജാഗ്രത പദ്ധതിയുടെ നാലാംഘട്ടം കാക്കനാട് ഇന്‍ഫോപാര്‍ക്ക് ടി.സി.എസ് കാമ്പസില്‍ ഉദ്ഘാടനം ചെയ്യുകയായിരുന്നു അദ്ദേഹം. സംസ്ഥാനത്തെ എല്ലാ സ്‌കൂളിലേക്കും ഇത്തരം പരിപാടികള്‍ വ്യാപിപ്പിക്കണം. കലക്ടര്‍ കെ. മുഹമ്മദ് വൈ. സഫീറുല്ല മുഖ്യപ്രഭാഷണം നടത്തി. ടി.സി.എസ് കേരള ഡെലിവറി സ​െൻറര്‍ തലവന്‍ വൈസ് പ്രസിഡൻറ് ദിനേശ് പി. തമ്പി, വിദ്യാഭ്യാസ ഉപഡയറക്ടര്‍ സി.എ. സന്തോഷ്, ഇ-ജാഗ്രത പ്രോഗ്രാം കോഓഡിനേറ്റര്‍ പി.വി. രശ്മി, കലക്ടറേറ്റ് സ്‌പെഷല്‍ സെല്‍ ഉദ്യോഗസ്ഥന്‍ റോണി തുടങ്ങിയവര്‍ സംസാരിച്ചു.