എറണാകുളം മാർക്കറ്റിൽ ഫുഡ്​സേഫ്​റ്റി ലൈസൻസ്​ അദാലത്​ നടത്തി

കൊച്ചി: എറണാകുളം മാർക്കറ്റ് സ്റ്റാൾ ഒാണേഴ്സ് അസോസിയേഷൻ അംഗങ്ങളായ എല്ലാ വ്യാപാരികൾക്കും ജില്ല ലീഗൽ സർവിസ് അതോറിറ്റിയുടെ നേതൃത്വത്തിൽ ഫുഡ് സേഫ്റ്റി ലൈസൻസ് അദാലത് സംഘടിപ്പിച്ചു. അസോസിയേഷൻ പ്രസിഡൻറ് ടി.എച്ച്. നാസർ അധ്യക്ഷതവഹിച്ചു. ഫുഡ് സേഫ്റ്റി ലൈസൻസിങ് അതോറിറ്റി ജില്ല അസിസ്റ്റൻറ് കമീഷണർ കെ.വി. ഷിബു അസോസിയേഷൻ ജനറൽ സെക്രട്ടറി എൻ.എച്ച്. ഷമീദി​െൻറ അപേക്ഷ സ്വീകരിച്ച് ഉദ്ഘാടനം ചെയ്തു. ഫുഡ് സേഫ്റ്റി ഒാഫിസർമാരായ ജോസ്, ദിലീപ്, ജില്ല ലീഗൽ സർവിസ് അതോറിറ്റി ഉദ്യോഗസ്ഥൻ പ്രവീൺ എന്നിവർ സംസാരിച്ചു. എൻ.എച്ച്. ഷമീദ് സ്വാഗതവും യൂത്ത് വിങ് പ്രസിഡൻറ് ബിനോജ് അൻവർ നന്ദിയും പറഞ്ഞു.