വിജയമ്മ പുന്നൂർമഠം ഹരിപ്പാട് നഗരസഭ ചെയർപേഴ്സൻ

ഹരിപ്പാട്: നഗരസഭ ചെയർപേഴ്സനായി എസ്. വിജയമ്മ പുന്നൂർമഠത്തെ തെരഞ്ഞെടുത്തു. നഗരസഭയിൽ ശനിയാഴ്ച രാവിലെ 11.30ന് നടന്ന ചടങ്ങിൽ എസ്. വിജയമ്മ പുന്നൂർമഠം ആലപ്പുഴ ക്ഷീരവികസന വകുപ്പ് ഡെപ്യൂട്ടി ഡയറക്ടർ കെ.ജി. ശ്രീലത മുമ്പാകെ സത്യപ്രതിജ്ഞ ചെയ്തു. തെരഞ്ഞെടുപ്പിന് 22 അംഗങ്ങളിൽ രണ്ടുപേർ ഹാജരായില്ല. 20 പേരുടെ പിന്തുണയാണ് ലഭിച്ചത്. ആർ.എസ്.പിയിലെ രാജലക്ഷ്മി, കോൺഗ്രസിലെ അനിൽ മിത്ര എന്നിവരാണ് ഹാജരാകാതിരുന്നത്.