വ്യാപാരികൾക്ക് ക്യാമ്പ് ഫെബ്രുവരി ഒന്നിന്

ആലപ്പുഴ: ടൗൺ വ്യാപാരി കൂട്ടായ്മ, തൊഴിൽ വകുപ്പ്, നഗരസഭ എന്നിവയുടെ ആഭിമുഖ്യത്തിൽ വ്യാപാരികൾക്കായി ക്യാമ്പ് സംഘടിപ്പിക്കുന്നു. ഫെബ്രുവരി ഒന്നിന് ഇരുമ്പുപാലത്തിന് സമീപത്തെ സിത്താര കോംപ്ലക്സിൽ രാവിലെ 10 മുതൽ വൈകീട്ട് മൂന്നുവരെയാണ് ക്യാമ്പ്. ഒാൺലൈൻ രജിസ്ട്രേഷൻ പുതുക്കൽ, പുതിയ രജിസ്ട്രേഷൻ, വ്യാപാര തൊഴിൽ-കെട്ടിട നികുതി കുടിശ്ശിക അടക്കുന്നത് അടക്കമുള്ളവ ക്യാമ്പിൽ പ്രയോജനപ്പെടുത്താം. വായ്പമേളയും നടക്കും. സി.പി.ഐ സമരസ്മരണ അഞ്ചിന് ആലപ്പുഴ: സി.പി.ഐ ജില്ല സമ്മേളനത്തി‍​െൻറ മുന്നോടിയായി ഫെബ്രുവരി അഞ്ചിന് എണ്ണക്കാട് സമരസ്മരണ സംഘടിപ്പിക്കും. വൈകീട്ട് നാലിന് എണ്ണക്കാട് ജങ്ഷനില്‍ ചേരുന്ന സമ്മേളനം മന്ത്രി കെ. രാജു ഉദ്ഘാടനം ചെയ്യും. ൈതക്കാട്ടുശ്ശേരിയിൽ നാല് വർഷത്തിനുള്ളിൽ 1500 സ്റ്റാർട്ടപ്പുകൾ; പരിശീലനം തുടങ്ങി ആലപ്പുഴ: ജില്ലയിലെ തൈക്കാട്ടുശ്ശേരിയിൽ നാല് വർഷത്തിനുള്ളിൽ 1500 സ്റ്റാർട്ടപ്പുകൾ ആരംഭിക്കാൻ പദ്ധതി. നാഷനല്‍ റൂറല്‍ ലൈവ്‌ലിഹുഡ് മിഷന്‍(എന്‍.ആര്‍.എല്‍.എം.) പദ്ധതിയില്‍ ഉള്‍പ്പെടുത്തിയാണ് പദ്ധതി നടപ്പാക്കുന്നത്. ഇതി​െൻറ ഭാഗമായി കുടുബശ്രീ ജില്ല മിഷന് കീഴിലെ എസ്.വി.ഇ.പി (സ്റ്റാര്‍ട്ടപ്പ് വില്ലേജ് എൻറര്‍പ്രണര്‍ഷിപ് പ്രോഗാം) എം.ഇ.സിമാര്‍ക്കുള്ള ത്രിദിന പരിശീലനം തുടങ്ങി. തൈക്കാട്ടുശ്ശേരിയെ സ്റ്റാർട്ടപ്പ് ഹബാക്കുന്നതിന് ആറുകോടി രൂപയാണ് വകയിരുത്തിയിരിക്കുന്നത്. ഇതി​െൻറ പ്രവര്‍ത്തനങ്ങള്‍ താഴേത്തട്ടില്‍ എത്തിക്കാനാണ് ജില്ലയില്‍നിന്ന് എം.ഇ.സിമാരെ തെരഞ്ഞെടുത്ത് പരിശീലനം നൽകുന്നത്. ദേശീയതലത്തില്‍ നാഷനല്‍ റിസര്‍ച്ച് ഓര്‍ഗനൈസേഷന്‍ (എന്‍.ആര്‍.ഒ) വഴിയാണ് ഈ പദ്ധതി നടപ്പില്‍ വരുത്തുന്നത്. ജില്ലതല എം.ഇ.സിമാര്‍ക്കുള്ള രണ്ടാംഘട്ട പരിശീലനമാണ് ഇപ്പോള്‍ നടക്കുന്നത്. പദ്ധതിയുടെ ആരംഭഘട്ടത്തില്‍ ലക്ഷ്യമിട്ടിരിക്കുന്ന തൈക്കാട്ടുശ്ശേരി ബ്ലോക്കിനൊപ്പം ജില്ലയിലുടനീളം പദ്ധതി വ്യാപിപ്പിക്കാന്‍ ലക്ഷ്യമിടുന്നുവെന്ന് എ.ഡി.എം.സി പി. സുനില്‍, ഡി.പി.എം റിന്‍സ് സുരേഷ് എന്നിവര്‍ പറഞ്ഞു.