അരയൻകാവിൽ എ.ടി.എം കവർച്ചശ്രമം

പിറവം: കനറാ ബാങ്കി​െൻറ അരയൻകാവ് ശാഖയുടെ കീഴിലെ എ.ടി.എമ്മിൽ കവർച്ചശ്രമം. സി.സി ടി.വിയുടെ കാമറയിൽ സ്പ്രേ പെയിൻറടിച്ചതിനുശേഷമാണ് മോഷണശ്രമം നടന്നത്. കാമറയുടെ വയറുകളും മുറിച്ചുമാറ്റിയിട്ടുണ്ട്. കഴിഞ്ഞ ദിവസം രാത്രിയാണ് സംഭവം. അരയൻകാവിൽ വിവിധ സ്ഥാപനങ്ങളിൽ സെക്യൂരിറ്റി ജീവനക്കാരുണ്ടെങ്കിലും കനറാ ബാങ്ക് എ.ടി.എമ്മിൽ കാവൽക്കാർ ഇെല്ലന്ന് അറിവുള്ളവരായിരിക്കണം കവർച്ചശ്രമത്തിന് പിന്നിലെന്ന് കരുതുന്നു. വിരലടയാള വിദഗ്ധരും ഡോഗ് സ്ക്വാഡും സ്ഥലത്തെത്തി അന്വേഷണം ആരംഭിച്ചു. മുളന്തുരുത്തി പൊലീസ് കേസെടുത്തു.