ബൈബിൾ കൺവെൻഷൻ നാളെ മുതൽ

തൃപ്പൂണിത്തുറ: തൃപ്പൂണിത്തുറ സ​െൻറ് മേരീസ് ഫൊറോനാ പള്ളിയിൽ മൂന്നാമത് ബൈബിൾ കൺവെൻഷൻ 18 മുതൽ 22 വരെ വൈകീട്ട് 4.30 മുതൽ 9.30 വരെ നടക്കും. മാനന്തവാടി ബെനഡിക്ടിൻ ധ്യാനകേന്ദ്രം ഡയറക്ടർ ഫാ. ജോയി ചെമ്പകേശ്ശരിയും സംഘവുമാണ് കൺവെൻഷൻ നയിക്കുന്നതെന്ന് ഫാ. ജേക്കബ് പുതുശ്ശേരി, ഫാ. ജിനു ചെത്തിമറ്റം എന്നിവർ വാർത്തസമ്മേളനത്തിൽ അറിയിച്ചു. വ്യാഴാഴ്ച വൈകീട്ട് അഞ്ചിന് എറണാകുളം അതിരൂപത സഹായമെത്രാൻ മാർ സെബാസ്റ്റ്യൻ എടയന്ത്രത്ത് ഉദ്ഘാടന സന്ദേശം നൽകും. ദിവസവും ഉച്ചക്കുശേഷം മൂന്നു മുതൽ പ്രാർഥനയുണ്ടാകും. കൺവെൻഷന് എത്തുന്നവർക്ക് വാഹനസൗകര്യവും ബോയ്സ് ഹൈസ്കൂൾ ഗ്രൗണ്ടിൽ പാർക്കിങ് സൗകര്യവും ഒരുക്കും. ഫാ. ലൂക്ക് പടിപ്പുരക്കൽ, ജേക്കബ് പേരയിൽ, ആൻറണി പുളിക്കത്തറ, ഷൈജു കോറോത്ത്, ഷൈനു കോറോത്ത്, ബിനോയ് തോമസ്, ബാബു ചെട്ടിക്കാപ്പിള്ളി എന്നിവരും വാർത്തസമ്മേളനത്തിൽ പങ്കെടുത്തു.