ജില്ല സെൻട്രൽ സ്കൂൾ മീറ്റ്: കൂത്താട്ടുകുളം മേരിഗിരി ചാമ്പ്യൻമാർ

കൊച്ചി: ജില്ല സെൻട്രൽ സ്കൂൾ അത്ലറ്റിക് ചാമ്പ്യൻഷിപ്പിൽ കൂത്താട്ടുകുളം മേരിഗിരി പബ്ലിക് സ്കൂൾ ചാമ്പ്യൻമാരായി. 12 സ്വർണം, 11 വെള്ളി, രണ്ട് വെങ്കലം ഉൾപ്പെടെ 111 പോയൻറുമായി എതിരാളികളെ ബഹുദൂരം പിന്നിലാക്കിയാണ് ജേതാക്കളായത്. അഞ്ച് സ്വർണം, നാല് വെള്ളി, നാല് വെങ്കലം ഉൾപ്പെടെ 59 പോയൻറുമായി എരൂർ ഭവൻസ് വിദ്യാമന്ദിർ രണ്ടാം സ്ഥാനം നേടി. നാല് സ്വർണവും ആറ് വെള്ളിയും ഒമ്പത് വെങ്കലവുമായി 51.33 പോയേൻറാടെ വാഴക്കുളം കാർമൽ പബ്ലിക് സ്കൂൾ മൂന്നാം സ്ഥാനത്തെത്തി. അണ്ടർ 14, 17 വിഭാഗങ്ങളിലായി നടന്ന മത്സരങ്ങളിൽ 33 സ്കൂളുകളിൽനിന്നുള്ള കായികതാരങ്ങൾ പങ്കെടുത്തു. ആൽഫിയ റിയാസ് (അണ്ടർ 14, 766 പോയൻറ്, സ​െൻറ് പോൾസ് ഇൻറർനാഷനൽ പബ്ലിക് സ്കൂൾ, എറണാകുളം), ഫിസ റഫീഖ് (അണ്ടർ 17, 893 പോയൻറ്, ടാലൻറ് പബ്ലിക് സ്കൂൾ, ഞാറക്കൽ), രാജ്കുമാർ (അണ്ടർ 14, 766 പോയൻറ്, നേവി ചിൽഡ്രൻ സ്കൂൾ, കൊച്ചി), എം.വി. ആദിനാഥ് (അണ്ടർ 17, 800 പോയൻറ്, കാർമൽ പബ്ലിക് സ്കൂൾ, വാഴക്കുളം) എന്നിവരെ മികച്ച താരങ്ങളായി തെരഞ്ഞെടുത്തു.