ആദ്യവേദി സി.പി.എമ്മി​േൻറതായതിൽ സന്തോഷം ^വീരേന്ദ്രകുമാർ

ആദ്യവേദി സി.പി.എമ്മിേൻറതായതിൽ സന്തോഷം -വീരേന്ദ്രകുമാർ കായംകുളം: യു.ഡി.എഫ് ബന്ധം വിച്ഛേദിച്ചശേഷമുള്ള ആദ്യവേദി സി.പി.എമ്മിേൻറതായതിൽ സന്തോഷമുണ്ടെന്ന് ജനതാദൾ -യു സംസ്ഥാന പ്രസിഡൻറ് എം.പി. വീരേന്ദ്രകുമാർ. സി.പി.എം ജില്ല സമ്മേളനഭാഗമായി സംഘടിപ്പിച്ച സെമിനാറിൽ സംസാരിക്കുകയായിരുന്നു അദ്ദേഹം. ഇടത് മതേതര ചേരിയെ ശക്തിപ്പെടുത്താനുള്ള തീരുമാനത്തെ വി.എസ്. അച്യുതാനന്ദൻ അടക്കമുള്ളവർ അംഗീകരിച്ചിരിക്കുകയാണ്. ഏറെ ബഹുമാന്യനായ നേതാവാണ് എ.കെ.ജി. ഇന്ദിരഗാന്ധിവരെ ബഹുമാനിച്ചിരുന്ന എ.കെ.ജിെയ എന്തും പറയാമെന്ന് കരുതരുത്. കേരളത്തിൽ എല്ലാ മണ്ഡലത്തിലും പ്രചാരണത്തിന് പോയിട്ടും എ.കെ.ജിയുടെ മകളുടെ ഭർത്താവ് മത്സരിച്ച കാസർകോട്ട് പ്രചാരണത്തിന് പോകാതിരുന്നത് എ.കെ.ജിയോടുള്ള ബഹുമാനം കാരണമാണ്. രാജ്യത്തെ കുത്തകകൾക്ക് പണയപ്പെടുത്തിയവർക്ക് ദേശീയതയെക്കുറിച്ച് പറയാൻ അവകാശമില്ലെന്നും അദ്ദേഹം പറഞ്ഞു.