'ക്രിസ്ത്യൻ ധനവിനിയോഗം സുതാര്യമാക്കാൻ ചർച്ച് ആക്ട് നടപ്പാക്കണം'

കൊച്ചി: ക്രിസ്ത്യൻ ധനവിനിയോഗവും നിയന്ത്രണവും സുധാര്യമാക്കാൻ ചർച്ച് ആക്ട് നടപ്പാക്കണമെന്ന് എഴുപുന്ന സ​െൻറ് റാഫേൽസ് ചർച്ച് ലേമെൻ അസോസിയേഷൻ ഭാരവാഹികൾ വാർത്തസമ്മേളനത്തിൽ അറിയിച്ചു. പള്ളിയും പുരോഹിതരും പണവും അധികാരവും കയ്യാളുന്തോറും അഴിമതി കഥകളുണ്ടാകും. 2009ൽ എഴുപുന്ന പാറയിൽ പള്ളിയിൽ നടന്ന ഭൂമി ഇടപാടിലും ദുരൂഹതകളുണ്ടെന്നും ഇവർ ആരോപിച്ചു. അസോസിയേഷൻ വൈസ് പ്രസിഡൻറ് ജോർജ് മാത്യു, ഭാരവാഹികളായ എൻ.കെ. വക്കച്ചൻ, രജി റാഫേൽ, കെ.എ. തങ്കച്ചൻ എന്നിവർ വാർത്തസമ്മേളനത്തിൽ പങ്കെടുത്തു.