റോഡ് നിർമാണം തടസ്സപ്പെടുത്തുന്നതായി പരാതി

കോതമംഗലം: നെല്ലിക്കുഴി പഞ്ചായത്തിലെ 17ാം വാർഡിൽ ഊരംകുഴി കാട കനാൽ റോഡി​െൻറ ടാറിങ് ഒരുവിഭാഗം സി.പി.എം പ്രവർത്തകർ തടസ്സപ്പെടുത്തിയതായി പഞ്ചായത്ത് അംഗം പി.എ. ശിഹാബ്. പഞ്ചായത്ത് അംഗം എന്ന നിലയിൽ അനുവദിച്ച വാർഷിക ഫണ്ടിൽനിന്ന് ഒമ്പതുലക്ഷം രൂപ ഉപയോഗിച്ച് റോഡ് ടാറിങ് നടത്താനുള്ള എല്ലാ നടപടികളും പൂർത്തിയായിരുന്നു. മെറ്റലും ടാറും ഇറക്കി തിങ്കളാഴ്ച റോഡ് ടാറങ്ങിനായി യന്ത്ര സാമഗ്രികളും തൊഴിലാളികളും എത്തിയപ്പോൾ എം.എൽ.എ ഫണ്ട് ഉപയോഗിച്ച് റോഡ് ടാറിങ് നടത്തിക്കൊള്ളാമെന്നാവകാശപ്പെട്ട് ഒരുപറ്റം സി.പി.എം പ്രവർത്തകർ നിർമാണം തടസ്സപ്പെടുത്തുകയായിരുന്നു. സ്ഥലത്ത് എത്തിയ പൊലീസ് നിർമാണ പ്രവൃത്തികൾ നിർത്തിെവപ്പിച്ചെന്നും ശിഹാബ് പറഞ്ഞു.