പഞ്ചായത്ത് ഓഫിസിലേക്ക് മാർച്ച്

ആലുവ: കീഴ്മാട് പഞ്ചായത്തിൽ പിന്നാക്കകാർക്ക് വേണ്ടി നിർമാണം ആരംഭിച്ച ഫ്ലാറ്റ് പണിപൂർത്തിയാക്കാത്തതിൽ പ്രതിഷേധിച്ച് വെൽഫെയർ പാർട്ടി, ഫ്രറ്റേണിറ്റി സംഘടനകൾ നടത്തി. എട്ടുവർഷം മുമ്പ് പണി തുടങ്ങിയ ഫ്ലാറ്റിന് വേണ്ടി 40 ലക്ഷം രൂപയാണ് മുടക്കിയത്. എന്നാൽ, പദ്ധതി പാതിവഴിയിൽ നിലച്ച അവസ്‌ഥയിലാണ്. കീഴ്മാട് സൊസൈറ്റിപ്പടിയിലുള്ള അയ്യങ്കാളി പ്രതിമയുടെ മുൻഭാഗത്തുനിന്നാണ് മാർച്ച് ആരംഭിച്ചത്. രാധാകൃഷ്ണൻ കാവുങ്കൽ ഉദ്ഘാടനം ചെയ്തു. പഞ്ചായത്ത് ഓഫിസിന് മുന്നിൽ നടന്ന പ്രതിഷേധ ധർണ ഫ്രറ്റേണിറ്റി സംസ്‌ഥാന ജനറൽ സെക്രട്ടറി പ്രദീപ് നെന്മാറ ഉദ്ഘാടനം ചെയ്തു. ഫ്രറ്റേണിറ്റി ജില്ല പ്രസിഡൻറ് ഷബീർ ബഷീർ അധ്യക്ഷത വഹിച്ചു. വെൽഫെയർ പാർട്ടി ജില്ല സെക്രട്ടറി സദഖത്ത് മുഖ്യപ്രഭാഷണം നടത്തി. മണ്ഡലം പ്രസിഡൻറ് നൗഷാദ്, എഫ്.ഐ.ടി.യു ജില്ല നേതാവ് ഫാരിസ് എന്നിവർ സംസാരിച്ചു. ഫ്രറ്റേണിറ്റി ജില്ല വൈസ് പ്രസിഡൻറ് മിസ്‌രിയ സ്വാഗതവും ജില്ല സെക്രട്ടറി റിസ്‌വാൻ നന്ദിയും പറഞ്ഞു. മാർച്ചിന് വെൽഫെയർ പാർട്ടി പഞ്ചായത്ത് പ്രസിഡൻറ് നജീബ് പെരിങ്ങാട്ട്, ഷാനി വല്ലം, നവാസ്, റഹിം കുന്നത്ത്, അഫ്സൽ, റൗഉഫ് എന്നിവർ നേതൃത്വം നൽകി.