മനക്കപ്പടി ഗവ. എൽ.പി സ്‌കൂൾ ശതാബ്​ദി ആഘോഷം സമാപിച്ചു

ആലങ്ങാട്: കരുമാല്ലൂർ മനക്കപ്പടി ഗവ. എൽ.പി സ്കൂൾ ശതാബ്ദി ആഘോഷങ്ങൾ സമാപിച്ചു. സമാപന സേമ്മളനവും പുതിയ മന്ദിരോദ്ഘാടനവും സി.പി. നാരായണൻ എം.പി നിർവഹിച്ചു. ആലങ്ങാട് ബ്ലോക്ക് പഞ്ചായത്ത് പ്രസിഡൻറ് വിജു ചുള്ളിക്കാട് അധ്യക്ഷത വഹിച്ചു. മനക്കപ്പടി കവലയിൽ നിർമിച്ച കാത്തുനിൽപുകേന്ദ്രം ഉദ്ഘാടനം മുൻ എം.പി കെ.പി. ധനപാലൻ നിർവഹിച്ചു. ഐ.ആർ.എസ് പദവിലഭിച്ച വി.എ. മൊയ്തീൻ നൈനയെ അനുമോദിച്ചു. കരുമാല്ലൂർ പഞ്ചായത്ത് പ്രസിഡൻറ് ജി.ഡി. ഷിജു, ബ്ലോക്ക് വൈസ് പ്രസിഡൻറ് ബീന ബാബു, ജില്ല പഞ്ചായത്ത് അംഗം റസിയ സവാദ്, ഉമൈബ യൂസഫ്, എ.എം. അലി, നസീർ പാത്തല, വാഹിദ അബ്ദുൽലത്തീഫ്, പി.എം. ദിപിൻ, ഷാജിത നിസാർ, പി.ആർ. പ്രമോദ്, അഭിലാഷ് എന്നിവർ സംസാരിച്ചു.