പുഷ്പയുടെ സത്യസന്ധത അരുണിന് നൽകിയത് വിലപ്പെട്ട രേഖകള്‍

EM MVPA7 മൂവാറ്റുപുഴ: പുഷ്പയുടെ സത്യസന്ധതയില്‍ അരുണിന് ലഭിച്ചത് വിലപ്പെട്ട രേഖകള്‍. വ്യാഴാഴ്ച മൂവാറ്റുപുഴ ടൗണില്‍വച്ചാണ് പേഴയ്ക്കാപ്പിള്ളി അമ്പാട്ട് അരുണ്‍ പ്രകാശി​െൻറ പഴ്‌സ് നഷ്ടമായത്. അതിൽ ഡ്രൈവിങ് ലൈസന്‍സ്, ഇന്‍ഷുറന്‍സ് കാര്‍ഡ്, ക്രഡിറ്റ് കാര്‍ഡ്, എമിറൈറ്റ്‌സ് ഐ.ഡി, 12000-രൂപ എന്നിവ ഉണ്ടായിരുന്നു. അരുൺ യാത്ര ചെയ്ത ഭാഗങ്ങളിൽ അന്വേഷണം നടത്തിയെങ്കിലും ലഭിച്ചില്ല. ഇതേ തുടര്‍ന്ന് മൂവാറ്റുപുഴ പൊലീസില്‍ പരാതി നല്‍കി. ലോട്ടറി വില്‍പ്പനക്കാരിയായ ഈസ്റ്റ് കടാതി കുര്യന്‍മല ചാലില്‍ പുത്തന്‍പുര പുഷ്പ ആനന്ദിന് വെള്ളൂര്‍കുന്നം സിഗ്നല്‍ ജങ്ഷനില്‍നിന്ന് പഴ്‌സ് ലഭിച്ചു. പഴ്‌സിലെ വാഹന വില്‍പന ശാലയിലെ കാര്‍ഡില്‍ വിളിച്ച് പുഷ്പ വിവരമറിയിക്കുകയായിരുന്നു. വാഹനവില്‍പന ശാലയില്‍നിന്ന് അറിയിച്ചതനുസരിച്ച് അരുണ്‍ പഴ്‌സും രേഖകളും എസ്.ഐ മനുരാജി​െൻറ സാന്നിധ്യത്തില്‍ കൈപ്പറ്റുകയായിരുന്നു. പുഷ്പക്ക് എസ്.ഐ മനുരാജ് സമ്മാനം നല്‍കി.