വാഹനങ്ങളുടെ ശവപ്പറമ്പായി മൂവാറ്റുപുഴ പൊലീസ്​ സ്​റ്റേഷൻ പരിസരം

EM MVPA8 മൂവാറ്റുപുഴ: വാഹനങ്ങളുടെ ശവപ്പറമ്പായി പൊലീസ് സ്റ്റേഷൻ പരിസരം. മൂവാറ്റുപുഴ സ്റ്റേഷനിലും റോഡിലുമാണ് കസ്റ്റഡി വാഹനങ്ങൾ തള്ളിയിരിക്കുന്നത്. സ്റ്റേഷ​െൻറ പിൻഭാഗത്തായി സ്ഥിതി ചെയ്യുന്ന ഒരേക്കർ സ്ഥലത്ത് പത്ത് വർഷങ്ങൾക്ക് മുമ്പ് പിടികൂടിയ വാഹനങ്ങളുണ്ട്. കാടുകയറി മൂടിയ ഈ ഭാഗം അഞ്ചു വർഷം മുമ്പ് വൃത്തിയാക്കിയിരുന്നു. എന്നാൽ, ഇപ്പോൾ തൽസ്ഥിതിയായി. അപകടത്തിൽ പെടുന്ന വാഹനങ്ങൾക്ക് പുറമെ സി.സി കുടിശ്ശിക മൂലം റോഡിൽ ഉപേക്ഷിച്ച വാഹനങ്ങളും ഇവിടെയാണ് തള്ളുന്നത്. സ്റ്റേഷൻ മുറ്റം അപകടത്തിൽ പെടുന്ന ബൈക്കുകൾ കൊണ്ട് നിറഞ്ഞ നിലയിലാണ്. ഇതോടെ സ്റ്റേഷന് മുന്നിലെ കാവുംപടി റോഡിലാണ് കസ്റ്റഡി വാഹനങ്ങൾ ഇടുന്നത്. ഇത് തിരക്കേറിയ റോഡിൽ ഗതാഗതക്കുരുക്കിനും കാരണമാകുന്നു.