ഈഴവ സമുദായത്തെ അധികം നാൾ വഞ്ചിക്കാമെന്ന് ആരും കരുതേണ്ടന്ന് വെള്ളാപ്പള്ളി

പറവൂർ : ഈഴവ സമുദായത്തെ അടിച്ചമർത്തി, കീഴ്പ്പെടുത്തി അധികംനാൾ വഞ്ചിക്കാമെന്ന് ആരും കരുതേണ്ടെന്ന് എസ്.എൻ.ഡി.പി യോഗം ജനറൽ സെക്രട്ടറി വെള്ളാപ്പള്ളി നടേശൻ. കുഞ്ഞിത്തൈ എസ്.എൻ.എൽ.പി സ്കൂൾ സുവർണ ജൂബിലി മന്ദിരം ഉദ്ഘാടനം ചെയ്യുകയായിരുന്നു അദ്ദേഹം.അറിവി​െൻറയും തിരിച്ചറിവി​െൻറയും പാതയിലാണ് സമുദായം. ലക്ഷ്യം വിജയം തന്നെയാണ്. അത് ഉണ്ടാവുകയും ചെയ്യും. യൂനിയൻ സെക്രട്ടറി ഹരി വിജയൻ അധ്യക്ഷത വഹിച്ചു. വി. ഡി. സതീശൻ എം.എൽ.എ മുഖ്യാതിഥിയായിരുന്നു. യൂനിയൻ പ്രസിഡൻറ് സി. എൻ. രാധാകൃഷ്ണൻ മുഖ്യപ്രഭാഷണം നടത്തി. സ്കൂളി​െൻറ സ്ഥാപക നേതാക്കളെ ആദരിച്ചു. യൂനിയൻ വൈസ് പ്രസിഡൻറ് ഷൈജു മനയ്ക്കപ്പടി, യോഗം ഡയറക്ടർ എം. പി. ബിനു, പഞ്ചായത്ത് പ്രസിഡൻറുമാരായ കെ.എം. അംബ്രോസ്, എം.പി. പോൾസൺ, സ്കൂൾ മാനേജർ പി.കെ. സച്ചിദാനന്ദൻ, പ്രധാനാധ്യാപിക കെ.എം. ബിജി, പി.ടി.എ പ്രസിഡൻറ് പ്രസാദ് വാലത്ത് എന്നിവർ സംസാരിച്ചു.