അമ്യൂസ്മെൻറ് പാർക്കിനും വ്യാപാരമേളക്കും അനുമതി വേണമെന്ന് റവന്യൂ വകുപ്പ്

ആലുവ: റവന്യൂ വകുപ്പി‍​െൻറ ഉടമസ്ഥതയിലുള്ള ആലുവ മണപ്പുറത്ത് ശിവരാത്രി ആഘോഷവുമായി ബന്ധപ്പെട്ട് ഇക്കുറി അമ്യൂസ്മ​െൻറ് പാർക്കും വ്യാപാര മേളയും സംഘടിപ്പിക്കണമെങ്കിൽ സർക്കാറി‍​െൻറ അനുമതി ഉറപ്പാക്കണമെന്ന് റവന്യൂ വകുപ്പ്. തിരുവിതാംകൂർ ദേവസ്വം ബോർഡ് വിളിച്ചുചേർത്ത വകുപ്പുമേധാവികളുടെ ശിവരാത്രി അവലോകന യോഗത്തിൽ ആലുവ തഹസിൽദാറാണ് റവന്യൂ വകുപ്പി​െൻറ നിലപാട് വ്യക്തമാക്കിയത്. ശിവരാത്രി ആഘോഷത്തിന് മണപ്പുറം അടക്കിവാഴാറുള്ള നഗരസഭ ഇതോടെ കുരിക്കിലായി. മണപ്പുറത്ത് നഗരസഭക്കോ മറ്റ് ഏതെങ്കിലും സംഘടനകൾക്കോ എന്തെങ്കിലും പ്രവൃത്തികൾ ചെയ്യണമെങ്കിൽ സർക്കാറി‍​െൻറ അനുമതി വേണം. ഇതുസംബന്ധിച്ച് കലക്ടർ രേഖാമൂലം ഉത്തരവ് നൽകിയതായും തഹസിൽദാർ അറിയിച്ചു. മുൻ വർഷങ്ങളിൽ മണപ്പുറത്തി‍​െൻറ ഭൂരിഭാഗം പ്രദേശങ്ങളുെടയും നിയന്ത്രണം നഗരസഭക്കായിരുന്നു. വൻ വരുമാനമാണ് ഇതിലൂടെ ലഭിച്ചിരുന്നത്. സ്വാധീനമുപയോഗിച്ച് നിയമവിരുദ്ധമായ പല പ്രവൃത്തികളും ഇവിടെ നടക്കാറുള്ളതായും ആരോപണമുണ്ട്. യോഗം എം.എൽ.എയെ അറിയിച്ചില്ലെന്ന് ആക്ഷേപം ആലുവ: ശിവരാത്രി അവലോകന യോഗം അൻവർ സാദത്ത് എം.എൽ.എയെ അറിയിച്ചില്ലെന്ന് ആക്ഷേപം. എം.എൽ.എയെ അവഗണിച്ചത്‌ പ്രതിഷേധത്തിന് ഇടയാക്കിയിട്ടുണ്ട്. നഗരസഭ ചെയർപേഴ്സനും വാർഡ് കൗൺസിലറും ഉൾപ്പെടെ പങ്കെടുത്ത വിവിധ വകുപ്പ് മേധാവികളുടെ യോഗം എം.എൽ.എയെ അറിയിക്കാതിരുന്നതിന് പിന്നിൽ രാഷ്‌ട്രീയ വിരോധമാണെന്നാണ് ആക്ഷേപം.