കുട്ടമശ്ശേരി സ്കൂൾ വാർഷികം

ആലുവ: കുട്ടമശ്ശേരി സർക്കാർ സ്കൂൾ 114-ാമത് വാർഷിക സമ്മേളനം ജില്ല പൊലീസ് മേധാവി എ.വി. ജോർജ് ഉദ്ഘാടനം ചെയ്തു. വിദ്യാർഥി സമൂഹം രാഷ്‌ട്രത്തി‍​െൻറ പൊതുസ്വത്താണെന്നും വിദ്യാർഥികളുടെ ക്ഷേമപ്രവർത്തനങ്ങളിൽ സമൂഹം ജാഗ്രത പാലിക്കണമെന്നും അദ്ദേഹം പറഞ്ഞു. പി.ടി.എ. പ്രസിഡൻറ് കെ.എം. നാസർ അധ്യക്ഷത വഹിച്ചു. കീഴ്മാട് ഗ്രാമപഞ്ചായത്ത് പ്രസിഡൻറ് കെ.എ. രമേശ്, വിരമിക്കുന്ന ചിത്രകല അധ്യാപകൻ സി.എ. പ്രകാശിന് ഉപഹാരം നൽകി. കുസാറ്റ് ഹിന്ദി വിഭാഗം മേധാവി ഡോ. കെ. വനജ, ആലുവ ഡി.ഇ.ഒ. വൽസല കുമാരി, പ്രിൻസിപ്പൽ ഡി. വിജയൻ, പ്രധാന അധ്യാപിക എസ്. ജയശ്രീ, കേരള ശാന്തി സമിതി ജില്ല പ്രസിഡൻറ് ദേവസിക്കുട്ടി പടയാട്ടിൽ, പി.ടി.എ. വൈസ് പ്രസിഡൻറ് വി.കെ. ഭാസി, എസ്.എം.സി ചെയർമാൻ മുഹമ്മദ് ഹുസൈൻ, എം.പി.ടി.എ ചെയർ പേഴ്സൻ ലീലാമണി, സ്‌റ്റാഫ് സെക്രട്ടറി കെ.കെ. ഹുസൈൻ എന്നിവർ സംസാരിച്ചു.