സി.കെ. ജയകൃഷ്ണൻ ഫോട്ടോഗ്രഫി അവാർഡ് എം.ടി. വിധുരാജിന്

കൊച്ചി: കൊച്ചി ജേണലിസ്റ്റ് ഫോറത്തി​െൻറ 'പോർട്ട്ഫോളിയോ' വാർത്താചിത്രപ്രദർശനത്തോടനുബന്ധിച്ച് ഏർപ്പെടുത്തിയിട്ടുള്ള സി.കെ. ജയകൃഷ്ണൻ ന്യൂസ്ഫോട്ടോഗ്രാഫി അവാർഡിന് മലയാളമനോരമ കണ്ണൂർ യൂനിറ്റിലെ എം.ടി. വിധുരാജ് അർഹനായി. 10,000രൂപയും പ്രശസ്തിപത്രവും ശിൽപവും അടങ്ങുന്നതാണ് പുരസ്കാരം. സുപ്രഭാതം കോഴിക്കോട് യൂനിറ്റിലെ ഫോട്ടോഗ്രാഫർ നിധീഷ് കൃഷ്ണനും ഇന്ത്യൻ എക്സ്പ്രസ് കൊച്ചി യൂനിറ്റിലെ സീനിയർ ഫോട്ടോഗ്രാഫർ മിൽട്ടൻആൻറണിയും പ്രത്യേക പരാമർശത്തിന് അർഹരായി. എൻ.എസ്. മാധവൻ, ഡോ.സെബാസ്റ്റ്യൻപോൾ, രാജൻപോൾ എന്നിവരടങ്ങിയ ജൂറിയാണ് വിജയികളെ തെരഞ്ഞെടുത്തത്.