ജലവിതരണം മുടങ്ങും

കടുങ്ങല്ലൂർ: മുപ്പത്തടം ജലശുദ്ധീകരണ ശാലയിൽ വൈദ്യുതി അറ്റകുറ്റപ്പണി നടക്കുന്നതിനാൽ വ്യാഴാഴ്ച വരാപ്പുഴ, കടമക്കുടി, കടുങ്ങല്ലൂർ, ആലങ്ങാട്, കരുമാല്ലൂർ പഞ്ചായത്ത് പ്രദേശങ്ങളിൽ ജലവിതരണം പൂർണമായി മുടങ്ങുമെന്ന് ജല അതോറിറ്റി അസി. എൻജിനീയർ അറിയിച്ചു. കോട്ടുവള്ളിക്കാവിൽ തൂക്കം ആലങ്ങാട്: കോട്ടുവള്ളിക്കാവ് ഭഗവതി ക്ഷേത്രത്തിലെ കുംഭഭരണി മഹോത്സവത്തോടനുബന്ധിച്ച് ആലങ്ങാട് ദേശക്കാരുടെ ആൾത്തൂക്കം വ്യാഴാഴ്ച ഉച്ചക്ക് രണ്ടിന് നടക്കും. കോട്ടപ്പുറം 987ാം നമ്പർ എൻ.എസ്‌.എസ് കരയോഗം നേതൃത്വം നൽകും. ആലങ്ങാട് ചന്ദ്രത്തിൽ ജി.വിനോദ്‌കുമാർ തൂക്കച്ചാടിലേറും. രാവിലെ 8.30ന് തൂക്കപുറപ്പാട് ചടങ്ങുകൾ കോട്ടയത്തുകാവിൽ നടക്കും.