ഭാഷക്ക്​ ജാതിയില്ല ^റശീദലി ശിഹാബ് തങ്ങൾ

ഭാഷക്ക് ജാതിയില്ല -റശീദലി ശിഹാബ് തങ്ങൾ blurb കേരള അറബിക് ടീച്ചേഴ്സ് ഫെഡറേഷൻ വജ്രജൂബിലി സമ്മേളനം തുടങ്ങി കൊച്ചി: കേരള അറബിക് ടീച്ചേഴ്സ് ഫെഡറേഷൻ വജ്രജൂബിലി സംസ്ഥാന സമ്മേളനത്തിന് തുടക്കമായി. സംസ്ഥാന പ്രസിഡൻറ് എ. മുഹമ്മദ് പതാക ഉയർത്തി. വഖഫ് ബോർഡ് ചെയർമാൻ പാണക്കാട് റശീദലി ശിഹാബ് തങ്ങൾ പ്രതിനിധി സമ്മേളനം ഉദ്ഘാടനം ചെയ്തു. അറബിഭാഷ തെറ്റിദ്ധരിക്കപ്പെടുന്ന സാഹചര്യമാണ് ഇന്നുള്ളതെന്ന് അദ്ദേഹം പറഞ്ഞു. ഭാഷ ഒരു ജാതിയുടെയോ മതത്തി​െൻറയോ രാജ്യത്തി​െൻറയോ പേരിനോട് കൂട്ടിച്ചേർക്കേണ്ടതല്ല. എന്നാൽ, ഇന്ന് ഇസ്ലാംതന്നെ തെറ്റിദ്ധരിക്കപ്പെടുകയാണ്. ഇസ്ലാമിക് ബാങ്കിങ് തെറ്റിദ്ധരിക്കപ്പെടുന്നതും ഇതിന് ഉദാഹരണമാണ്. കേരളത്തിലെ ഭൂരിഭാഗം യൂനിവേഴ്സിറ്റികളിലും ഇസ്ലാമിക് ചെയറുണ്ട്. എന്നാൽ, കണ്ണൂർ യൂനിവേഴ്സിറ്റിയിൽ ഇസ്ലാമിക് ചെയർ വേണമെന്ന ആവശ്യം അംഗീകരിച്ചില്ല. എല്ലാ മതങ്ങളെയും സ്നേഹിക്കാനാണ് പ്രവാചകൻ പഠിപ്പിച്ചത്. അറബിഭാഷ അധ്യാപകർക്ക് പ്രധാനാധ്യാപകരാകുന്നതിനുൾപ്പെടെ പ്രതിസന്ധിയുണ്ട്. വഖഫ് നിയമനങ്ങൾ പി.എസ്.സിക്ക് വിടാനുള്ള തീരുമാനവുമായി സർക്കാർ മുന്നോട്ടുപോകുകയാണ്. ഇത്രയും വർഷങ്ങൾക്കിടെ ഒരു അനധികൃത നിയമനവും വഖഫ് ബോർഡിൽ നടന്നിട്ടില്ല. ഒരു റിക്രൂട്ട്മ​െൻറ് ബോർഡ് രൂപവത്കരിച്ച് നിയമനം നടത്താനെങ്കിലും സർക്കാർ തയാറാകണമെന്നും അദ്ദേഹം ആവശ്യപ്പെട്ടു. സ്വാഗതസംഘം ജോയൻറ് ജനറൽ കൺവീനർ കെ.യു. അബ്ദുൽ റഹീം അധ്യക്ഷത വഹിച്ചു. കെ.എ.ടി.എഫ് സംസ്ഥാന ജനറൽ സെക്രട്ടറി സി. അബ്ദുൽ അസീസ് ആമുഖപ്രഭാഷണം നടത്തി. പ്രോഗ്രാം കമ്മിറ്റി ചെയർമാൻ അബൂബക്കർ ഫാറൂഖി, സലാഹുദ്ദീൻ മദനി, എച്ച്. സലീം, ടി.സി. അബ്ദുല്ലത്തീഫ് തുടങ്ങിയവർ പങ്കെടുത്തു. മാധ്യമ സെമിനാർ ഇസ്മായിൽകുഞ്ഞ് ഹാജി ഉദ്ഘാടനം ചെയ്തു. പി.എ. മെഹബൂബി​െൻറ അധ്യക്ഷതയിൽ പ്രസ്ക്ലബ് പ്രസിഡൻറ് ഡി. ദിലീപ്, സെക്രട്ടറി സുഗതൻ പി. ബാലൻ, ജലീൽ അരൂക്കുറ്റി, സിറാജ് കാസിം, ഇബ്രാഹീം മുതൂർ, പി.എം. സുബൈർ എന്നിവർ സംസാരിച്ചു. സാംസ്കാരിക സായാഹ്നം ജസ്റ്റിസ് സി.കെ. അബ്ദുൽ റഹീം ഉദ്ഘാടനം െചയ്തു.