തോമസ്​ ചാണ്ടിയുടെ റിസോർട്ടിനെതിരായ കേസ്​ റദ്ദാക്കണമെന്ന്​ ഹരജി: സർക്കാറി​െൻറ വിശദീകരണം തേടി

കൊച്ചി: മുൻ മന്ത്രി തോമസ് ചാണ്ടി ഡയറക്ടറായ ലേക് പാലസ് റിസോർട്ടിനുവേണ്ടി ബണ്ട് റോഡ് മണ്ണിട്ട് നികത്തിയെന്ന വിജിലൻസ് കേസ് റദ്ദാക്കണമെന്നാവശ്യപ്പെടുന്ന ഹരജിയിൽ ഹൈകോടതി സർക്കാറി​െൻറ വിശദീകരണം തേടി. വലിയകുളം -മുതൽ സീറോ െജട്ടി വരെയുള്ള ഒരു കിലോമീറ്റർ വരുന്ന ബണ്ട് റോഡുമായി ബന്ധപ്പെട്ട വിജിലൻസ് കോടതി ഉത്തരവും കേസും തുടർനടപടികളും റദ്ദാക്കണമെന്നാവശ്യപ്പെട്ട് റിസോർട്ട് ഉടമകളായ വാട്ടർ വേൾഡ് ടൂറിസം കമ്പനി എം.ഡി മാത്യു ജോസഫാണ് ഹരജി നൽകിയിരിക്കുന്നത്. റിസോർട്ടിനുവേണ്ടി ബണ്ട് റോഡ് മണ്ണിട്ട് നികത്തി ശക്തിപ്പെടുത്തിയത് 2008ലെ കേരള നെൽവയൽ തണ്ണീർത്തട സംരക്ഷണ നിയമത്തിന് വിരുദ്ധമെന്ന് ചൂണ്ടിക്കാട്ടി ആലപ്പുഴ സ്വദേശി സുഭാഷ് നൽകിയ ഹരജിയിലാണ് കോട്ടയം വിജിലൻസ് കോടതി കേസെടുക്കാൻ ഉത്തരവിട്ടത്. മൂന്ന് മീറ്റർ വീതിയുള്ള റോഡിന് വശങ്ങളിൽ താമസിക്കുന്ന നൂറുകണക്കിനാളുകൾ പൊതുവഴിയായി ഉപയോഗിക്കുന്നതാണ് ബണ്ട് റോെഡന്ന് ഹരജിയിൽ പറയുന്നു. റിസോർട്ടിനുവേണ്ടി റോഡ് നികത്തിയെന്ന ആരോപണം ദുരുദ്ദേശ്യപരമാണെന്നും റിസോർട്ട് ഉടമകളെ സംഭവവുമായി ബന്ധിപ്പിക്കാൻ തെളിവുകളൊന്നുമില്ലെന്നും ഹരജിയിൽ പറയുന്നുണ്ട്.