ഗുരു പ്രതിഷ്ഠ വാർഷികം

കടുങ്ങല്ലൂർ: എസ്.എൻ.ഡി.പി യോഗം നോർത്ത് മുപ്പത്തടം ശാഖയിൽ നടത്തിയിട്ടുള്ള ഗുരു പ്രതിഷ്ഠയുടെ രണ്ടാം വാർഷികം 11, 12 തീയതികളിൽ നടക്കുമെന്ന് ശാഖ പ്രസിഡൻറ് കെ.എൻ. പദ്മനാഭൻ, സെക്രട്ടറി എം.കെ. സുഭാഷണൻ എന്നിവർ അറിയിച്ചു. 11ന് രാവിലെ 9.30ന് അർച്ചനയോടെ ചടങ്ങ് ആരംഭിക്കും. തുടർന്ന് നടക്കുന്ന പ്രതിഷ്ഠ വാർഷിക സമ്മേളനം യൂനിയൻ പ്രസിഡൻറ് വി. സന്തോഷ് ബാബു ഉദ്ഘാടനം ചെയ്യും. യോഗം അസി. സെക്രട്ടറി കെ.എസ്. സ്വാമിനാഥൻ, യൂനിയൻ സെക്രട്ടറി എ.എൻ. രാമചന്ദ്രൻ, വൈസ് പ്രസിഡൻറ് പി.ആർ. നിർമൽകുമാർ, പി.പി. സനകൻ, കെ.കെ. മോഹനൻ, രൂപേഷ് മാധവൻ എന്നിവർ സംസാരിക്കും. 12ന് പുലർച്ച അഞ്ചിന് ഗണപതിഹോമത്തോടെ ആരംഭിക്കും. തുടർന്ന് വിവിധ പൂജകൾ നടക്കും.