തണ്ണീമുക്കത്തെ മൺചിറ ടൂറിസത്തി​െൻറ ഭാഗമായി നിലനിർത്തണമെന്ന്​

ആലപ്പുഴ: തണ്ണീർമുക്കം പാലം പൂർത്തിയാകുന്നതോടെ നിലവിൽ മറുകരയിലേക്ക് സഞ്ചരിക്കുന്നതിന് താൽക്കാലികമായി നിർമിച്ച മൺചിറ ടൂറിസത്തി​െൻറ ഭാഗമായി നിലനിർത്തണമെന്ന് ഡി.സി.സി പ്രസിഡൻറ് എം. ലിജു പറഞ്ഞു. മൺചിറമൂലം കായലി​െൻറ നാശമായിരിക്കും ഫലമെന്നും അതിനാൽ മൺചിറ പൂർണമായും നീക്കണമെന്നും വാദങ്ങളുണ്ട്. ഈ സാഹചര്യത്തിൽ ഒരുപദ്ധതി നടപ്പാക്കുമ്പോൾ ജനങ്ങളെ ബോധവത്കരിക്കേണ്ടതും അവരുടെ പങ്ക് ഉറപ്പാക്കേണ്ടതുമുണ്ട്. എട്ടിന് രാവിലെ ഒമ്പതിന് തണ്ണീർമുക്കം മണ്ഡലം കോൺഗ്രസ് കമ്മിറ്റിയുടെ നേതൃത്വത്തിൽ തണ്ണീർമുക്കം ബണ്ട് സന്ദർശിക്കുമെന്ന് അദ്ദേഹം അറിയിച്ചു. കർഷകർ, ഉൾനാടൻ മത്സ്യത്തൊഴിലാളികൾ, പ്രദേശവാസികൾ എന്നിവരെ നേരിൽക്കണ്ട് ചർച്ചചെയ്ത് ഈ വിഷയത്തിൽ കോൺഗ്രസ് നിലപാട് വ്യക്തമാക്കുമെന്നും അദ്ദേഹം പറഞ്ഞു.