പി.ജി.ടി.ഐ- കൊച്ചിൻ മാസ്​റ്റേഴ്സ്​ േപ്രാ-ആം: മധേഷ് കൃഷ്ണയുടെ ടീമിന് വിജയം

കൊച്ചി: സിയാൽ ഗോൾഫ് ക്ലബ്ബും പി.ജി.ടി.ഐയും സംയുക്തമായി സംഘടിപ്പിക്കുന്ന കൊച്ചിൻ മാസ്റ്റേഴ്സ് ഗോൾഫി​െൻറ േപ്രാ-ആം വിഭാഗത്തിൽ കേരളത്തി​െൻറ മധേഷ് കൃഷ്ണ നയിച്ച ടീമിന് വിജയം. പ്രഫഷനൽ ഗോൾഫർമാരെയും അമച്വർ ഗോൾഫർമാരെയും ഉൾപ്പെടുത്തിയുണ്ടാക്കുന്ന ടീമുകളാണ് േപ്രാ-ആം വിഭാഗത്തിൽ മത്സരിക്കുന്നത്. പി.ജി.ടി.ഐയിൽ മത്സരിച്ച കേരളത്തിൽ നിന്നുള്ള ഏക പ്രഫഷനൽ ഗോൾഫറാണ് മധേഷ് കൃഷ്ണ. കോണൽ ജേക്കബ് കുര്യൻ, ക്യാപ്റ്റൻ ജോർജ് എബ്രഹാം, ശ്രീനിവാസ് എ.വി. എന്നിവരായിരുന്നു ടീം അംഗങ്ങൾ. ചണ്ഡിഗഢിൽ നിന്നുള്ള പ്രഫഷനൽ കരൻദീപ് കൊച്ചാർ നയിച്ച ടീം രണ്ടാംസ്ഥാനത്തെത്തി. വിവിധ വ്യക്തിഗത മികവിനുള്ള പുരസ്കാരങ്ങൾ അലക്സാണ്ടർ കെ.ജെ, ക്യാപ്റ്റൻ വി.ആർ അയ്യർ, ഹരി വെള്ളൂർ, ഈപ്പൻ ചാക്കോ എന്നിവർ നേടി. വിജയികൾക്ക് സിയാൽ ഗോൾഫ് അഡ്വൈസർ മേജർ ജനറൽ(റിട്ട) എ.ജെ. കോശി പുരസ്കാരങ്ങൾ വിതരണം ചെയ്തു. സിയാൽ ഡെപ്യൂട്ടി ജനറൽ മാനേജർ ജോസഫ് പീറ്റർ, ഗോൾഫ് അഡ്മിനിസ്േട്രറ്റർ സാബു തുടങ്ങിയവർ പങ്കെടുത്തു.