പെരിയാർ വാലി കനാലിൽ ബൈക്ക്‌ കണ്ടെത്തി

കോതമംഗലം: പെരിയാർ വാലി ഹൈ ലെവൽ കനാലിൽ ദുരൂഹ സാഹചര്യത്തിൽ ബൈക്ക്‌ കണ്ടെത്തി. ഇരുമലപ്പടി-മേതല റോഡിൽ അംഗൻവാടിക്ക് സമീപം ഞായറാഴ്ച രാവിലെയാണ് നാട്ടുകാർ ബൈക്ക് കണ്ടത്. കെ.എൽ -7 എ.ടി 1958 നമ്പർ ബൈക്കാണ് വെള്ളത്തിൽ മുങ്ങിയ നിലയിൽ കണ്ടത്. കോതമംഗലം പൊലീസ് എത്തി ബൈക്ക്‌ കരക്കെത്തിച്ചു. പറവൂർ സ്വദേശിയുടെ പേരിലാണ് ബൈക്ക് രജിസ്ട്രേഷൻ. കൈമാറ്റം ചെയ്യപ്പെട്ടതോ മോഷ്ടിച്ചേതാ ആകാമെന്ന് സംശയിക്കുന്നു. കാറും പിക്-അപ് വാനും കൂട്ടിയിടിച്ച് രണ്ടുപേർക്ക് പരിക്ക് കോതമംഗലം: കൊച്ചി-- മധുര ദേശീയപാതയിൽ നെല്ലിമറ്റം കോളനിപ്പടിക്ക് സമീപം കാറും പിക്-അപ് വാനും കൂട്ടിയിടിച്ച് രണ്ടുപേർക്ക് പരിക്ക്. കലാഗ്രഹത്തിന് മുന്നിലെ വളവിൽ ഞായറാഴ്ച പുലർച്ചക്ക് 2.30ഒാടെയാണ് അപകടം. വിനോദയാത്ര സംഘം സഞ്ചരിച്ച ആഡംബര കാറും മൂവാറ്റുപുഴയിൽനിന്ന് അടിമാലിയിലേക്ക് മീൻ കയറ്റിവന്ന പിക്-അപ് വാനുമാണ് കൂട്ടിയിടിച്ചത്. അപകടത്തിൽ ആലുവ മാറമ്പിള്ളി സ്വദേശികളായ അബൂബക്കർ (53), ജമാൽ (45) എന്നിവർക്കാണ് പരിക്കേറ്റത്. ഇവരെ കോതമംഗലത്ത് സ്വകാര്യ ആശുപത്രിയിൽ പ്രവേശിപ്പിച്ചു. അപകടം ഉണ്ടായ ഭാഗത്ത് ദേശീയ പാതയിൽ കൊടുംവളവാണ്. അപകടത്തിൽപെട്ട ഇരു വാഹനങ്ങളുെടയും മുൻവശം പൂർണമായി തകർന്നു.