Begin typing your search above and press return to search.
exit_to_app
exit_to_app
Posted On
date_range 3 Feb 2018 4:59 AM GMT Updated On
date_range 3 Feb 2018 4:59 AM GMTയാഥാർഥ്യബോധമില്ലാത്ത ബജറ്റ് ^കെ.സി. വേണുഗോപാൽ എം.പി
text_fieldsbookmark_border
യാഥാർഥ്യബോധമില്ലാത്ത ബജറ്റ് -കെ.സി. വേണുഗോപാൽ എം.പി ആലപ്പുഴ: യാഥാർഥ്യബോധമില്ലാത്ത ബജറ്റാണ് ധനമന്ത്രി തോമസ് ഐസക് അവതരിപ്പിച്ചതെന്ന് കെ.സി. വേണുഗോപാൽ എം.പി പറഞ്ഞു. മുൻവർഷങ്ങളിലെ ബജറ്റുകളിൽ കിഫ്ബി വഴിയും അല്ലാതെയും പറഞ്ഞ പല പദ്ധതികളും ഇപ്പോഴും കടലാസിൽ തന്നെ അവശേഷിക്കുകയാണ്. ബജറ്റ് തീരദേശ മേഖലയെ അവഗണിച്ചു. ഓഖി ദുരന്തമുണ്ടായിട്ടുപോലും കടലാക്രമണത്തിൽനിന്നും തീരദേശത്തെ സംരക്ഷിക്കാൻ ഒരു പദ്ധതിയും പ്രഖ്യാപിച്ചില്ല. കടലാക്രമണം ചെറുക്കാൻ സമഗ്രമായ പഠനം നടത്തി അതിെൻറ അടിസ്ഥാനത്തിൽ പ്രതിരോധ നടപടികൾക്ക് രൂപംനൽകുമെന്നാണ് ഇപ്പോഴും മന്ത്രി പറയുന്നത്. ഇതുതന്നെയാണ് ഒരുവർഷം മുമ്പ് പറഞ്ഞതും. ബജറ്റിൽ തുക നീക്കി വെക്കാത്തതിനാൽ ഈ സാമ്പത്തിക വർഷത്തിലും കടലാക്രമണത്തെ ചെറുക്കാൻ ഒരുനടപടിയും ഉണ്ടാകില്ലെന്ന് വ്യക്തമായി. പുലിമുട്ടുകളും കടൽ ഭിത്തിയുമടക്കമുള്ള ശാസ്ത്രീയ മാർഗങ്ങൾ അല്ലാതെ മറ്റു പോംവഴികൾ ഒന്നും കടലാക്രമണത്തെ ചെറുക്കാൻ ഇല്ലെന്നിരിക്കെ ഇത്തരം പ്രഖ്യാപനങ്ങൾ തീരജനതയെ ബോധിപ്പിക്കാൻ വേണ്ടി മാത്രമാണ്. കയർ മേഖലക്കും യാഥാർഥ്യബോധ്യത്തോടെയുള്ള പദ്ധതികളല്ല പ്രഖ്യാപിച്ചിരിക്കുന്നതെന്നും എം.പി കുറ്റപ്പെടുത്തി.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.
Next Story