മണിയുടെ ഓർമക്ക്​ ചാലക്കുടി പുഴ ഇതിവൃത്തമാക്കി ആൽബം

നെടുമ്പാശ്ശേരി: കലാഭവൻ മണിയുടെ ഓർമക്ക് ചാലക്കുടി പുഴയുടെ രോദനം ഇതിവൃത്തമാക്കി സംഗീത ആൽബം. കലാഭവൻ മണിയുടെ കടുത്ത ആരാധകനും ആലുവയിലെ ഓട്ടോ ൈഡ്രവറുമായ ശിവൻ വട്ടേക്കുന്നം രചിച്ച ഗാനങ്ങളുൾപ്പെടുത്തി തിരക്കഥാകൃത്ത് ബാബു പശ്ശാശേരിയാണ് സംഗീത ആൽബം തയാറാക്കിയിരിക്കുന്നത്. ഇൗ മാസം 12ന് ഇടപ്പള്ളി ചങ്ങമ്പുഴ പാർക്കിൽ തിരക്കഥാകൃത്ത് രവികുമാറും ഗാനരചയിതാവ് ചിറ്റൂർ ഗോപിയും ചേർന്ന് ആൽബം പുറത്തിറക്കും. ചാലക്കുടി പുഴ മണിക്ക് എന്നും വികാരമായിരുന്നു. പുഴയുടെ തീരത്തിരുന്ന് നാടൻ പാട്ടുകൾ പാടുമായിരുന്നു. മണിയുടെ മരണം തിരിച്ചറിയാതെ, എന്തുകൊണ്ട് മണി കുറേക്കാലമായി ത​െൻറ അരികിലെത്തുന്നില്ല എന്ന ചാലക്കുടി പുഴയുടെ അന്വേഷണമാണ് ആൽബത്തി​െൻറ പ്രമേയം.