Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightNewschevron_rightLocal Newschevron_rightErnakulamchevron_rightകിഴക്കമ്പലം മോഷണം:...

കിഴക്കമ്പലം മോഷണം: അന്വേഷണം ഉൗർജിതമാക്കി പൊലീസ്

text_fields
bookmark_border
കിഴക്കമ്പലം: കവർച്ചയുമായി ബന്ധപ്പെട്ട് കൊലപാതകം നടന്ന സാഹചര്യത്തിൽ ജനങ്ങൾ കൂടുതൽ ജാഗരൂകരാകണമെന്ന് പൊലീസ് പറഞ്ഞു. വ്യാപാര സ്ഥാപനങ്ങളുടെയും ധനകാര്യ സ്ഥാപനങ്ങളുടെയും ആരാധനാലയങ്ങളുടെയും കാര്യത്തിൽ കൂടുതൽ ശ്രദ്ധവേണം. നിർദേശങ്ങൾ: രാത്രിയിൽ വീടുകൾ അകത്തുനിന്ന് ഭദ്രമായി പൂട്ടി സുരക്ഷ ഉറപ്പുവരുത്തണം. ജനലുകളുടെ കൊളുത്തുകളും മറ്റും കൃത്യമായി ഇട്ടിട്ടുണ്ടോയെന്ന് പരിശോധിക്കണം. അസമയത്ത് വീടിനു പുറത്തുനിന്ന് ശബ്്ദങ്ങളോ മറ്റോ കേട്ടാൽ വാതിൽ തുറക്കരുത്. പകരം ജനൽവഴി വീടിനു വെളിയിലുള്ള പരിസരം വീക്ഷിക്കണം. സംശയം തോന്നുന്ന രീതിയിൽ അസമയത്ത് വല്ലതും ശ്രദ്ധയിൽപെട്ടാൽ ഉടൻ പൊലീസിനെയും പരിസരവാസികളെയും ഫോൺവഴി വിവരം അറിയിക്കണം. അയൽപക്കവീടുകളിൽ എന്തെങ്കിലും സംശയകരമായി തോന്നിയാൽ ആ വീട്ടിലെ ആളുകളുമായി ഫോണിൽ ബന്ധപ്പെടാൻ ശ്രമിക്കുക. അവർ ഫോണെടുക്കുന്നില്ലെങ്കിൽ ഉടൻ പൊലീസിൽ വിവരം അറിയിക്കണം. പൊലീസ് വരുന്നതിനു മുമ്പ് കള്ളന്മാർ ഉണ്ടന്ന് സംശയിക്കുന്ന വീടുകളിൽ പരിശോധനക്കിറങ്ങരുത്. അത്യാവശ്യമാണെങ്കിൽ കൂടുതൽ ആളുകൾ ചേർന്ന് മുൻകരുതലുകളുമായി പരിശോധിക്കാം. പൊലീസ്സ്റ്റേഷ‍നിലെ ഫോൺ നമ്പർ എല്ലാവരും മൊബൈലിൽ സൂക്ഷിക്കണം. കൂടാതെ എല്ലാവർക്കും കാണാവുന്നവിധം എഴുതിയും വെക്കണം.
Show Full Article
TAGS:LOCAL NEWS 
Next Story