ജനറൽ ഇൻഷുറൻസ് എംപ്ലോയീസ് യൂനിയൻ സമ്മേളനം തുടങ്ങി

കൊച്ചി: കേരള സ്റ്റേറ്റ് ജനറൽ ഇൻഷുറൻസ് എംപ്ലോയീസ് യൂനിയൻ 43ാമത് സംസ്ഥാന സമ്മേളനം എറണാകുളം വിമൻസ് അസോസിയേഷൻ ഹാളിൽ ഓൾ ഇന്ത്യ ഇൻഷുറൻസ് എംപ്ലോയീസ് അസോസിയേഷൻ ജോയൻറ് സെക്രട്ടറി സഞ്ജയ് ജാ ഉദ്ഘാടനം ചെയ്തു. ഇന്ത്യയുടെ സാമ്പത്തികരംഗം അതിസങ്കീർണമായ പ്രശ്നത്തെ അഭിമുഖീകരിക്കുകയാെണന്നും രാജ്യത്തി​െൻറ മതനിരപേക്ഷത അപകടസ്ഥിതിയിലാെണന്നും അദ്ദേഹം പറഞ്ഞു. ജനറൽ ഇൻഷുറൻസ് എംപ്ലോയീസ് അസോസിയേഷൻ ദക്ഷിണ മേഖല വൈസ് പ്രസിഡൻറ് എസ്.വി. ശങ്കർ, ജനറൽ ഇൻഷുറൻസ് പെൻഷനേഴ്‌സ് അസോസിയേഷൻ ജനറൽ സെക്രട്ടറി കെ.ജി. പ്രഭാകരൻ എന്നിവർ സംസാരിച്ചു. സംസ്ഥാന പ്രസിഡൻറ് സി.ബി. വേണുഗോപാൽ അധ്യക്ഷത വഹിച്ചു. ജനറൽ സെക്രട്ടറി എം.യു. തോമസ് റിപ്പോർട്ട് അവതരിപ്പിച്ചു. സമ്മേളനം ഞായറാഴ്ച സമാപിക്കും.