ബൈക്കുകൾ കൂട്ടിയിടിച്ച്​ മൂന്നുപേർക്ക്​ പരിക്ക്​

അമ്പലപ്പുഴ: ബൈക്കുകൾ കൂട്ടിയിടിച്ച് മൂന്നുപേർക്ക് പരിക്കേറ്റു. പുറക്കാട് കരൂർ സ്വദേശികളായ അനന്തകൃഷ്ണൻ (18), ഇയാൾക്കൊപ്പം സഞ്ചരിച്ച അനൂപ് (17), വണ്ടാനം സ്വദേശി വിനീത് (18) എന്നിവർക്കാണ് പരിക്കേറ്റത്. ഇവരെ വണ്ടാനം മെഡിക്കൽ കോളജ് ആശുപത്രിയിൽ പ്രവേശിപ്പിച്ചു. വ്യാഴാഴ്ച ഉച്ചയോടെ ദേശീയപാതയിൽ നീർക്കുന്നത്തായിരുന്നു അപകടം. ഇവരുടെ ബൈക്കിൽ എതിർദിശയിൽനിന്ന് വന്ന മറ്റൊരു ബൈക്ക് ഇടിക്കുകയും മൂന്നുപേരും തെറിച്ച് റോഡിൽ വീണ് പരിക്കേൽക്കുകയുമായിരുന്നു. ഇടിച്ച ബൈക്ക് നിർത്താതെ പോയി. അമ്പലപ്പുഴ പൊലീസ് നടപടി സ്വീകരിച്ചു.