ഏഴു​ വയസ്സുകാരിയെ പീഡിപ്പിക്കാൻ ശ്രമം; പ്രതിക്ക്​ അഞ്ചുവർഷം തടവ്​

കൊച്ചി: ഏഴു വയസ്സുകാരിയെ പീഡിപ്പിക്കാൻ ശ്രമിച്ച കേസിൽ പ്രതിക്ക് അഞ്ചുവർഷം കഠിന തടവ്. മുളന്തുരുത്തി തുരുത്തിക്കര നായ്ക്കരുകുടിയിൽ എൻ.ജെ. ബിജുവിനെയാണ് കുട്ടികൾക്കും സ്ത്രീകൾക്കുമെതിരായ അതിക്രമം പരിഗണിക്കുന്ന പ്രത്യേക കോടതി ശിക്ഷിച്ചത്. തടവിന് പുറമെ 25,000 രൂപ പിഴ അടക്കാനും ഉത്തരവുണ്ട്. 2016 േമയ് 13നാണ് കേസിനാസ്പദമായ സംഭവം. പ്രതി പെൺകുട്ടിയുടെ രഹസ്യഭാഗങ്ങളിൽ സ്പർശിച്ചെന്നായിരുന്നു ആരോപണം. പോക്സോ ആക്ടിലെ വിവിധ വകുപ്പുകൾ പ്രകാരം മുളന്തുരുത്തി പൊലീസാണ് പ്രതിക്കെതിരെ കുറ്റപത്രം നൽകിയത്.