വെല്‍ഫെയര്‍ പാര്‍ട്ടി വാഹനജാഥ സമാപിച്ചു

ആലുവ: 'എല്ലാവരുടേതുമാണ് ഇന്ത്യ' വെൽഫെയർ പാർട്ടി കാമ്പയിനി​െൻറ ഭാഗമായി ആലുവ മണ്ഡലം കമ്മിറ്റി നടത്തിയ വാഹനജാഥ സമാപിച്ചു. സമാപന പൊതുസമ്മേളനം സംസ്‌ഥാന സമിതി അംഗം സമദ് നെടുമ്പാശ്ശേരി ഉദ്ഘാടനം ചെയ്തു. ആലുവ മണ്ഡലം പ്രസിഡൻറ് നൗഷാദ് ശ്രീമൂലനഗരം അധ്യക്ഷത വഹിച്ചു. സംസ്‌ഥാന ജനറല്‍ കൗണ്‍സില്‍ അംഗം ജമാല്‍ പാനായിക്കുളം മുഖ്യപ്രഭാഷണം നടത്തി. മണ്ഡലം വൈസ്പ്രസിഡൻറ് ടി.കെ. സുധീര്‍ സ്വാഗതവും ട്രഷറര്‍ സലാം തുരുത്ത് നന്ദിയും പറഞ്ഞു. യോഗത്തിന് മുന്നോടിയായി നടന്ന പ്രകടനത്തിന് മണ്ഡലം സെക്രട്ടറി റഹീം കുന്നത്ത്, അന്‍വര്‍ ചൂർണിക്കര, നജീബ് പെരിങ്ങാട്ട്, ഫാരിസ് ചാലക്കല്‍, ഹസന്‍ ചൂർണിക്കര, കരീം കല്ലുങ്കല്‍, ജബ്ബാര്‍ തോട്ടുമുഖം, അമീന്‍ എടത്തല, കരീം നൊച്ചിമ എന്നിവർ നേതൃത്വം നല്‍കി.