ഇരുചക്ര വാഹനങ്ങളുടെ പാച്ചിൽ നടപ്പാതയിലൂടെ; ദുരിതത്തിലായി കാൽനടക്കാർ

മരട്: ഗതാഗതക്കുരുക്കിൽനിന്ന് രക്ഷപ്പെടാൻ ഇരുചക്ര വാഹനങ്ങൾ ചളിക്കവട്ടം പാലത്തി​െൻറ നടപ്പാതയിലൂടെ ഒാടിക്കുന്നത് കാൽനടക്കാരെ ദുരിതത്തിലാക്കുന്നു. വൈറ്റില ജങ്ഷനിൽ ഫ്ലൈഓവർ ജോലികൾ പുരോഗമിക്കുന്നതിനാൽ ഗതാഗതക്കുരുക്ക് രൂക്ഷമാണ്. ഇതിൽനിന്ന് രക്ഷപ്പെടാനാണ് ഇരുചക്ര വാഹനങ്ങൾ നടപ്പാതയിലൂടെ ഓടിക്കുന്നത്. ഇതുമൂലം കാൽനടക്കാർ റോഡിലിറങ്ങി നടക്കേണ്ട അവസ്ഥയാണ്. അമിതവേഗത്തിൽ ഇരുചക്ര വാഹനങ്ങൾ സഞ്ചരിക്കുന്നതിനാൽ പാലത്തിലെ സ്ലാബുകൾ തകർന്നു. പരാതിയെ തുടർന്ന് ദേശീയപാത അധികൃതർ സ്ലാബുകൾ നാളുകൾക്ക് മുമ്പാണ് മാറ്റിയത്. ഇതാണ് വീണ്ടും തകർന്നത്.