ഫുട്ബാൾ കോച്ചിങ് ക്യാമ്പ്​ ആരംഭിച്ചു

പറവൂർ: സമ്മർ ഫുട്ബാൾ കോച്ചിങ് ക്യാമ്പ് ഗവ. ബോയ്സ് ഹൈസ്കൂൾ ഗ്രൗണ്ടിൽ ആരംഭിച്ചു. 10 മുതൽ 14 വയസ്സുവരെയുള്ള ആൺകുട്ടികൾക്കും പെൺകുട്ടികൾക്കുമാണ് പരിശീലനം നൽകുന്നത്. നഗരസഭ വിദ്യാഭ്യാസ സ്റ്റാൻഡിങ് കമ്മറ്റി ചെയർമാൻ ഡെന്നി തോമസ് ഉദ്ഘാടനം ചെയ്തു. പി.ടി.എ വൈസ് പ്രസിഡൻറ് മേരി പാപ്പച്ചൻ അധ്യക്ഷത വഹിച്ചു. വൈസ് ചെയർപേഴ്സൻ ജെസി രാജു, കൗൺസിലർ വി.എ. പ്രഭാവതി, പ്രധാനാധ്യാപകൻ വി.ജെ. വർഗീസ്, എൻ. മറിയം, ഇ.എച്ച്. സജീഷ് എന്നിവർ സംസാരിച്ചു. ബേസ്ബാൾ, നെറ്റ്ബാൾ, സോഫ്റ്റ്ബാൾ, അത്‌ലറ്റിക്സ് എന്നിവക്കും പ്രത്യേകം പരിശീലനം നൽകും. ഫോൺ: 9947461333.