വാണിയക്കാട് ഐസ് പ്ലാൻറിൽ അമോണിയ ചോർന്നു

പറവൂർ: വാണിയക്കാട് അക്വാ ഐസ് പ്ലാൻറിൽ അമോണിയ ചോർന്നത് പരിഭ്രാന്തി പരത്തി. ശനിയാഴ്ച രാവിലെ ആറോടെയാണ് സംഭവം. പ്രദേശവാസികളിൽ ചിലർക്ക് അസ്വസ്ഥത അനുഭവപ്പെട്ടു. പറവൂരിൽനിന്ന് അഗ്നിരക്ഷ സേനവിഭാഗം എത്തി വാൽവ് അടച്ചു. കരിങ്ങാംതുരുത്ത് സ്വദേശി നടുവിലപറമ്പിൽ ഷംസുദ്ദീ​െൻറ ഉടമസ്ഥതയിെല പ്ലാൻറിലാണ് ചോർച്ചയുണ്ടായത്. നാട്ടുകാരുടെ എതിർപ്പിനെത്തുടർന്ന് ഈ സ്ഥാപനം കഴിഞ്ഞ ആറുമാസം പ്രവർത്തിച്ചിരുന്നില്ല. അറ്റകുറ്റപ്പണിക്കുശേഷം കഴിഞ്ഞ ദിവസമാണ് തുറന്നത്. വാട്ടർ ടാങ്കി​െൻറ വാൽവിലെ തകരാറാണ് ചോർച്ചക്ക് കാരണമെന്ന് അഗ്നിരക്ഷ സേന വിഭാഗം പറഞ്ഞു. സ്ഥലത്തെത്തിയ സംഘം വെള്ളം പമ്പ് ചെയ്ത് അന്തരീക്ഷത്തിലെ വാതകത്തി​െൻറ തോത് കുറച്ചു. പിന്നീട് സാങ്കേതിക വിദഗ്ധനെ എത്തിച്ച് വാൽവി​െൻറ അറ്റകുറ്റപ്പണി നടത്തി. സ്റ്റേഷൻ ഓഫിസർ വി.ജി. റോയിയുടെ നേതൃത്വത്തിലാണ് രക്ഷാപ്രവർത്തനം നടത്തിയത്.