സി.പി.എം നിലപാട് രാഷ്‌ട്രീയ പ്രേരിതം

ആലുവ: മെട്രോ സൗന്ദര്യ വത്കരണം എതിർക്കുന്ന സി.പി.എം നിലപാട് രാഷ്‌ട്രീയ പ്രേരിതമാണെന്ന് മുസ്‌ലിം ലീഗ് ആലുവ മണ്ഡലം ഭാരവാഹികളുടെ യോഗം കുറ്റപ്പെടുത്തി. സി.പി.എം പിന്തുണയോടെ ഏകകണ്ഠമായെടുത്ത തീരുമാനമാണ് സൗന്ദര്യവത്കരണം. എന്നിട്ടും സമരം നടത്തുന്നത് ജനങ്ങളോടുള്ള വെല്ലുവിളിയാണ്. നെടുമ്പാശ്ശേരി എയർപോർട്ട് നിർമാണത്തെ എതിർത്തവരാണ് സി.പി.എം. വികസനം തടയാനുള്ള സി.പി.എം നീക്കത്തിനെതിരെ പ്രക്ഷോഭത്തിന്‌ നേതൃത്വം കൊടുക്കാനും യോഗം തീരുമാനിച്ചു. മണ്ഡലം പ്രസിഡൻറ് എം.കെ.എ. ലത്തീഫ് അധ്യക്ഷത വഹിച്ചു. ജനറൽ സെക്രട്ടറി പി.എ. താഹിർ സ്വാഗതം പറഞ്ഞു. വി.എ. ഹസൻ, അഷറഫ് വാളൂരാൻ, സി.കെ. അമീർ, കെ.യു. താഹ, സി.കെ. നൗഷാദ്, എം.എസ്. ഹാഷിം, വി.എം. നാസർ എന്നിവർ സംസാരിച്ചു.